拜年係過年嘅主要活動，會去親戚朋友屋企度祝賀人哋。拜年嗰陣，大家會同對方講好多恭賀說話，取材自揮春，譬如「恭喜發財」。結咗婚嘅長輩會派利是畀後輩。
拜年基本上可以喺大年初一到新十五期間做，但通常會避開大年初三，皆因嗰日係赤口。
廣州民間嘅農曆新年習俗歌[1]：
初一人拜神，初二人拜人，初三窮鬼日，初四人乞米，初五初六正是年，初七尋春去，初八八不歸，初九九頭空，初十打春去，十一打仔回，十二搭燈棚，十三人開燈，十四燈火明，十五祈完燈，采青走百病。
