挨年近晚

出自維基百科,自由嘅百科全書
Jump to navigation Jump to search

挨年近晚,又叫做歲晚年尾,係皇曆年年尾呢段時間,就迎新年嘅日子。挨年近晚係響十二月,或者係家下極少見嘅閏十二月。因為呢個月係由冬天春天,所以亦都叫做迎春。挨年近晚個挨年就係靠近新年,近晚,就係貼近年尾咁解。

因為靠近年尾,舊時好多做生意都會埋晒一年嘅數,清埋啲舊數,會做尾禡(禡音牙)多謝班夥記。年尾個月會出雙糧畀打工仔,等大家過年多啲錢使(使讀洗)。因為舊時挨年近晚有好多嘢要準備,去舊迎新,要使好多錢。例如要剪頭髮,買新,要包定利是(利讀厲),整下年糕角仔呢啲賀年嘢食,執靚間屋,買下年花,貼下揮春。而且一到新年,好多舖頭都閂晒門,好多嘢要買定。

近年因為經濟發達,有錢好多嘢都唔使等年尾整,好多嘢唔使自己做,買返來就得,所以氣氛都唔似舊時。不過因為新年都仍然係唐人大節,所以氣氛仍然係咁熱鬧。