揜住良心，行為一種，亦即冚實良心，就算冒住良心不安，都要講，都要做。揜住良心會帶來罪疚感，傷害到人亦為世人鄙視。亦有寫做掩住良心。
揜住良心通常同利益有關，私心大過良心。例如保住份工，升官發財之類。
揜義為覆，讀法廣韻有烏敢切同衣儉切[1]，傳到廣東話就/ŋɐm²/同/jim²/。廣東話日常會讀做前者，讀書音多數後者。揜字同掩字互通。文選寫做晻，史記寫做闇。
