摘要

摘要（英文：abstract）係指一段短短哋嘅字，用嚟大致上講吓一篇出版物（書或者學術文呀噉）嘅內容係乜，通常會擺喺啲人臨睇篇嘢嘅內容之前會睇嘅地方。

例如响英文學術文裏面，一篇文嘅摘要通常會係 150-200 字左右咁長，而且會擺响篇文嘅第一頁（臨睇啲內容之前會睇嘅地方）。

摘要好有用，可以幫摷文獻嘅人快速噉判斷一份文獻「係咪自己有興趣想詳細睇嘅嘢」。