阿差

  提示：呢篇文講嘅唔係衙差。

阿差（粵拼：aa³ caa¹）家陣係個粵語區百姓——尤其是香港人——用於南亞裔人嘅口頭稱謂。

解釋詞源嘅理論眾多，可能唔止得一套正確，例如：「aa³ caa¹（粵拼）」起初係某啲南亞話當中，有禮嘅打招呼用語之模仿發音……曾幾何時，香港差人當中有大把嚟自英屬印度嘅南亞人，粵人稱呼佢哋時，會用到個解「差人」嘅「差」字——初頭讀「caai¹（粵拼）」，後來變讀成「caa¹（粵拼）」。而家多咗人認為，呢個詞語用起嚟冇乜禮貌，甚至有歧視意味。家陣，越嚟越來嘅香港人改以南亞裔居民黎稱呼印巴裔人士.

相關用詞

維基辭典有佢嘅解釋：

摩羅叉

嚤囉差本嚟係舊時香港對南亞裔差人嘅口頭稱謂，後尾亦可以借代任何南亞裔人。

喺英語地區，尤其是英國，用於南亞人嘅俚語係「paki」，頗為冒犯。

寫法

1. 「阿」亦作「亞」或「呀」；
2. 「差」又寫成「叉」。
3. 「嚤」同「摩」可互換；
4. 「囉」通「羅」。