摩臣湖

摩臣湖（Mawson Lakes）係南澳洲阿地利梳士巴利市一個住宅區，係為咗紀念南極探險家摩臣爵士（Douglas Mawson）而命名；舊稱來埠（The Levels） 。根據2011年人口普查，人口為10,872。摩臣湖距離阿地利市中心以北十二公里。南澳大學摩臣湖校舍同埋阿地利科技園都係喺呢度。

歷史

摩臣湖以前叫做來埠（The Levels），係碧安華喺1877年設立嘅養羊場。

1987年，南澳洲政府提出多功能都會計劃，建設未來高科技社區，舊稱來埠嘅摩臣湖一帶地區亦都納入計劃之中。但係計劃受到廣泛爭議，繼而擱置。後來，來埠畀Delfin（後來嘅聯實集團）接手發展。首塊土地喺1998年公開發售。

社區

依家，南澳大學摩臣湖校舍、阿德萊德科技園同埋恩達沃爾書院都喺摩臣湖度。摩臣湖係南澳洲新市鎮之一，擁有自給自足嘅商業區。

居民

興建緊嘅住宅區

根據2006年人口普查，摩臣湖人口有5,246人。男性佔50.5%，其中62.6%係澳洲出世、83.1%係澳洲公民、0.3%係澳洲原住民。超過45%人口持有學士學位、文憑同埋職業資格。當中22.3%係天主教徒，24.2%無宗教信仰。

阿地利科技園

阿地利科技園係澳洲首個科技園區，由南澳政府喺1982年設立，目前由州政府轄下嘅土地管理公司所管理。

科技園佔地65公頃，採用一個類似學嘅低密度規劃，以技術機構嘅研究基地。依家大約有90個機構進駐，大部份都係以防務為主；主要分為中小型企業（SME）、大型公司包括，洛歇·馬丁、英國航太系統、SAAB系統、東京光學機械、Optus、Xtralis、雷神公司。

摩臣湖市中心

摩臣湖市中心（英文：Mawson Central）位於摩臣大街（英文：Main Street）同埋花園臺（英文：Garden Terrace）之間。湖畔徑以北嘅係購物區，有間酒店、Woolworths、Target、商店街同埋餐廳。大街設有多間銀行分行，提供自動櫃員機同埋門市。大街週邊原本係啲寫字樓地區，由於臨近南澳大學加上住宅需求急增，大部份辦公室畀人改建成公寓。

Lang-en

英語名稱

Mawson Central

交通

摩臣公共運輸交匯處

摩臣湖對外嘅主要道路包括大北道、梳士巴士公路、屈埠道，距離阿地利市中心大約30分鐘車程。

2006年2月26號，摩臣公共運輸交匯處啓用，容納多條巴士路綫、火車歌拿線亦停靠本站，繁忙時間班次為15分鐘一班。

供水系統

摩臣湖採用雙重供水系統，透過獨立電源為市民提供飲用水同埋循環水。呢個係全國首個同埋最大嘅自給水回收系統。比起其他地區，摩臣湖採用回收系統之後慳咗成50%飲用水，即係話使用再生水嘅居民唔再受國家水資源限制。

寶利華污水處理廠（英文：Bolivar Sewage Treatment plant）距離摩臣湖大約八公里，主要收集梳士巴利濕地（英文：Salisbury Wetlands）嘅雨水，然之後再過濾成A級標準循環水；繼而供應畀摩臣湖住宅廁所、花園、儲存用水。南澳水務司署亦都作出過全面檢測，確保循環水同飲用水嘅水管唔會互通。

政治

2017年大選
工黨	41.84%
自由黨	28.54%
瑟諾芬	16.60%
綠黨	4.65%
家庭第一黨	4.54%
獨立	2.26%
Animal Justice Party	1.57%

2014年州選
工黨	51.8%
自由黨	32.3%
綠黨	8.0%
家庭第一黨	7.9%

喺聯邦大選，摩臣湖係屬於馬京選區；自2007年起，由工黨習比雅出任國會議員。喺州選，摩臣湖就屬於阿地利港選區；由工黨高秀珊出任州議會議員，同時出任教育和兒童發展司、高等教育和技能司。

喺近年大選嘅結果顯示，屬於阿地利港選區嘅摩臣湖係工黨嘅票倉。但係摩臣湖會喺2018年，改劃入卑利霍選區（英文：Playford）；就算係咁，卑利霍仍然係工黨嘅票倉。