出自維基百科,自由嘅百科全書

》係一首喺香港反送中運動期間,由台灣董事長樂團發起,喺2019年香港七一遊行前夕推出嘅一首歌。呢首歌由吳永吉作曲,武雄填詞,由林夕負責填廣東話歌詞,何韻詩黃耀明負責唱廣東話部分,另外參與嘅台灣音樂單位仲有大支巴奈吉那罐子拍謝少年冰島三郎音速死馬張雅淳勞動服務舒米恩黃子軒楊秀卿滅火器樂團儲見智謝銘祐[1][2][3][4]

歌詞內容[編輯]

成首嘅歌詞以華語同廣東話穿插,意思環繞台灣人支持香港人嘅民主運動,形容運動期間嘅境況就好似雨咁不停落,但係大家都要撐落去,跨過翻越香港政府傲慢嘅高牆。歌詞又提到,民主價值呢啲普世真理並無界限,抗爭過程唔需要感到孤單[2]

因為另外關於呢首歌嘅理念,董事長樂團主唱吳永吉喺接受訪問嘅時候亦提到,覺得香港嘅時光返到白色恐怖嘅戒嚴時代,覺得心酸。如果而家唔企出嚟,下一代台灣人會怨恨佢哋點解當初唔企出黎幫佢哋講說話,又擔心台灣會變成好似香港咁[3]

製作過程[編輯]

雖然製作過程唔夠兩個禮拜,但已經集合咗好多港台兩地嘅音樂單位。製作人柯智豪就透露,由於過程好急,所以佢哋以蒐集檔案嘅方式,有啲歌手直接喺屋企自己錄影後將錄音Send過去,另外亦有同步預約台北嘅錄音室,等歌手一有時間就可以直接過嚟。例如滅火器主唱楊大正亦係利用舞台劇排練空檔,就趕過去錄製[1]

音樂錄影帶內容[編輯]

音樂錄影帶入面主要係台灣嗰邊參與歌手嘅錄音情況,另外亦有唔少反送中現場嘅場景,例如係香港警察用催淚彈等武器襲擊示威者,示威者被逼閃避,或者要戴上唔同防具嘅情景[1]

歌名《撐》嘅字體設計用膠帶黏貼成形,靈感係來自於反送中現場,香港民眾用膠帶黏貼嘅「反送中,護我城」字樣,鼓勵香港民眾撐起希望到天亮[1][4]

外間反應[編輯]

  • 呢首歌嘅MV擺咗上董事長樂團Facebook之後,香港學運領袖黃之鋒喺董事長樂團嘅貼文入面留言:「謝謝台灣的朋友!」[2]

睇埋[編輯]

參考[編輯]

  1. 1.0 1.1 1.2 1.3 事長樂團聯合何韻詩 台港歌手串連打造反送中歌曲 | 蘋果新聞網 | 蘋果日報. (臺灣中文). 2019-06-28. 原著喺2020-07-19歸檔. 喺2021-10-20搵到.
  2. 2.0 2.1 2.2 援香港反送中 台港音樂人創作歌曲 黃之鋒謝台灣 | 中國 | Newtalk新聞. 頭殼 Newtalk (中文). 2019-06-29. 喺2021-10-20搵到.
  3. 3.0 3.1 灣舉辦撐港演唱會 董事長樂團主唱:心酸 - 大紀元. 紀元 www.epochtimes.com (繁體中文). 2019-11-13. 喺2021-10-20搵到.
  4. 4.0 4.1 港大咖合唱港 林夕命名力挺七一大遊行. 週刊 Mirror Media (繁體中文). 2019-06-28. 喺2021-10-20搵到.

出面網頁[編輯]