支付寶 (人)

  想搵第二個意思嘅話，請睇支付寶。

支付寶（簡化字：支付宝，1962年7月7號—）係山東沂南人，因爲同支付平台「支付寶」同名而受到關注。

支付寶曾以木匠、磨豆腐維生，後來喺村口經營舖頭。2010年，支付寶嘅身份證喺網絡上被廣泛流傳。2015年12月，湖南電視台邀請支付寶錄製《天天向上》節目，起初支付寶驚畀人呃而拒絕，後來喺當地副鎮長作證下先至同意，節目2016年1月號錄製。2016年3月，支付寶話想見到馬雲，支付寶公司回應話可以見面，但截至2017年11月並未見面。