政務司司長公館
政務司司長公館，又叫政務司司長官邸，係香港政務司司長嘅官邸，喺香港島太平山頂白加道15號。公館喺1951年起，用來做輔政司嘅官邸，後來職銜先後改做布政司同政務司司長，建築物嘅稱呼亦隨之而改變。呢座建築已評為香港二級歷史建築。[1]
舊域多利醫院主樓拆咗之後，喺原址起咗輔政司官邸。第一個入住官邸嘅係時任輔政司列誥爵士（John Fearns Nicoll），之後每位輔政司、布政司都有入住呢間官邸。主權移交之後就唔係個個政務司司長都有入住。喺2005年至2007年任職嘅許仕仁選擇繼續住喺佢嘅禮頓山寓所。2011年至2012年任職嘅林瑞麟，喺上任嘅時侯因為前任唐英年重未搬扯，再加上距離當屆政府任期結束只剩低9個月，而選擇唔搬入官邸。
參考
[編輯]- ↑ 〈成報新聞(張建宗笑指官邸有「結構性問題」)〉。《成報》。喺2018-05-30搵到。
- 1444幢歷史建築物簡要，古物古蹟辦事處