效果器

多數效果器用嘅都係撳掣或者扭掣

控制音量嘅效果器通常係用腳掣

如果要用好多個效果器，好多時會釘喺塊板上面

效果器（英文：effects pedal）係駁喺電結他輸出嘅一種架生仔，用來喺出聲或者錄音之前改變電結他嘅聲，大細通常大約好似衣車腳掣咁上下大。大部分嘅效果器都係用手控制；但係亦有啲係用腳踩嘅，等對手彈緊嘅時候可以用腳例如即時轉大細聲或者改變高低音等等。

效果器傳統上係模擬電路，一個效果器亦都通常淨會出一種效果，但係唔同效果嘅效果器可以駁埋；亦都有新出嘅係數碼嘢，數碼嘢好多時可以出多過一種效果，亦都可以慳錢，但係有樂手認為數碼效果器介面冇咁好用同聲冇咁好。