散氏盤
散氏盤，係中國西周晚期一件青銅器。因為有重要歷史價值，同大盂鼎、毛公鼎、虢季子白盤合稱「晚清四大國寶」。散氏盤又叫做散盤，因為上面銘講散氏而名。同樣原因，又叫夨人盤。
外表
[編輯]盤高有20厘米，直徑50厘米，上面有十九行口文，一共三百五七隻字。盤邊盤底有夔紋，用三隻浮雕獸首間開，高圈足上面有獸面紋。銘文字同字之有暗直線界開。盤本來係裝水，不過呢度盤最後就變咗做散國宗器。
銘文
[編輯]銘文講散國同夨國爭土地，夨人過散國境搶嘢，咁散人就搵周王告狀。周王要夨人賠田地畀散人。而且要立約承諾唔會再犯，否則就罰金同其他個斷交。周王派埋史正仲農來，睇住兩邊官員劃好界，將張圖交畀兩做證。咁散人唔放心，就將呢件事寫響個盤上面做證。
流傳
[編輯]根據清朝中葉張廷濟《清儀閣題跋》同埋陳介祺《簠齋積古金文》等資料，散氏盤係喺清聖祖康熙年間出土，地點係陝西鳳翔。發現地點係散國範圍之內，即係大散關同大散嶺嘅東面。喺1809年（清仁宗50歲大壽嗰一年），由江南鹽運使阿林保進貢畀皇帝，之後一直響紫禁城。1949年就移到去臺灣，家下同毛公鼎、宗周鐘一齊留響臺北國立故宮博物院。
藝術
[編輯]有人叫銘文就草篆，有鐘鼎文凝重，又有草書流暢。書體係金文入門學習對象。