整容

整容（英文：plastic surgery）^[1]，係指透過手術去改變自己嘅身體外觀。整容通常整塊面，包括割雙眼皮、墊下巴、隆鼻、嫩唇等等，亦有啲係整其他部位，包括隆胸、隆臀等等。通常目的就係想自己望落去好睇啲，或者係想接近當其時「靚」嘅標準同埋潮流。

整容有兩種方法，第一係注射，即係打啲有美容或保養效果嘅嘢落人體度，例如肉毒桿菌、膠原蛋白、透明質酸等，目的通常係減少皺紋、增加肌膚彈性。第二係光療，透過光熱效應嚟達到除皺、淡斑嘅效果，通常嘅方式有脈衝光、染料雷射、二極體雷射、飛梭雷射等等。

依家整容唔單止係女仔專利，有時男仔都會走去整容。而整容亦有好多風險，例如有機會生癌、留疤痕、令身體組織受損等等。