文悅程
| 文悅程 | |
|---|---|
| 女藝人 | |
| 羅馬拼音 | Man Yuet Ching |
| 英文名 | Ching Ching Man |
| 花名 | 程程 |
| 籍貫 | 廣東梅縣（客家） |
| 出世 | 1月18號.svg){kind=small} 英屬香港 |
| 職業 | 街頭表演者、主持、司儀、女高音、歌手、音樂教育 |
| 語言 | 英文、粵語、普通話、客家話 |
| 教育程度 | 香港中大大學音樂系（主修聲樂；副修琵琶、非洲鼓） 美國Bellarmine University交換生（主修音樂；副修戲劇） |
| 音樂類 | 粵語經典金曲、廣東小調、歌劇、音樂劇 |
| 演奏樂器 | 鋼琴、琵琶、非洲鼓 |
| 出道地 |  中國（香港） |
| 出道日期 | 2018年5月20號 |
| 出道作品 | 原創作品：《生命小夜曲》、《回眸》 重新演繹：《鮮花滿月樓》 |
| 代表作品 | 電視： ViuTV《嚮導玩》（2018年） ViuTV《2蚊遊3》（2018年- 2019年） |
文悅程（Ching Ching Man，藝名：程程，1月18號—），係香港街頭表演者、主持、司儀、女高音、歌手，同時投身音樂教育。
簡歷[編輯]
程程喺香港出世同埋成長，細細個就好鍾意音樂，香港中文大學音樂系畢業，主修聲樂，副修琵琶同埋非洲鼓，仲有學作曲。曾經喺美國Bellarmine University留學一年，主修音樂，副修戲劇，選修爵士鋼琴、古典鋼琴、爵士聲樂、古典聲樂同埋非洲鼓，所有科目都滿分修業。
喺美國讀書期間，程程曾參與當地嘅大學選美活動，喺路易維爾城同埋肯塔基州選美比賽勇奪冠軍（Miss Black and Gold Pageant），兩次都憑《茉莉花》一曲當選才藝小姐（Miss Talent）。
程程曾經喺Opera Hong Kong參與歌劇演出，包括Carmen，DonCarlo，Aida等。佢試過同無伴奏合唱組合King's Singer嘅歌手、格萊美獎得獎者Paul Phoenix同台演出。
2019年開始，程程專心鑽研廣東歌流行曲文化，跟張崇德學習唱歌。
出道經過[編輯]
2018年1月6號，文悅程用藝名「小月」喺旺角西洋菜街銀行中心嘅「新天地歌舞團」演出，以一曲《問我》開始街頭演唱事業，為期四個幾月。
同年5月20號，文悅程用藝名「程程」正式出道，加入「旺角羅文歌舞團」，憑著《月半小夜曲》得到「旺角羅文」賞識，每逢禮拜六、日都係喺旺角街頭演唱。
文悅程特別鍾意廣東小調，尤其係翻唱《鮮花滿月樓》。佢擅長女高音，係第一個將古典音樂同埋音樂劇帶到街頭嘅表演者，第一首獻唱嘅音樂劇《Think of Me》，之後獻唱過《Memory》同埋《I Dreamed a Dream》。
文悅程喺旺角表演咗無幾耐，香港特區政府宣佈喺2018年8月取消旺角西洋菜街行人專用區（簡稱「殺街」），佢喺殺街前夕擔任「旺角羅文歌舞團」嘅代言人，接受過好多傳媒訪問[1] [2] [3] [4] [5] [6]，包括喺商業一台嘅時評節目《在晴朗的一天出發》入面同兩位議員討論「殺街」。其他訪問包括《新聞透視》、香港電台電視台第三台（英文頻道）[7]、BeautyExchange《Be Story》[8]等。7月29號，「殺街」前嘅最後一晚，文悅程擔任「旺角羅文歌舞團」嘅主持，同西洋菜街嘅支持者告別。
成為獨立表演者[編輯]
離開旺角西洋菜街之後，程程正式成為一個獨立嘅街頭表演者。
2018年9月2號，程程首次舉辦自彈自唱嘅音樂會，改編咗唔少經典金曲，重新演繹《忘記他》、《再見我的愛人》，特別加入音樂劇元素。喺同一日，「程程知音會」正式成立。
2018年9月26號，程程喺「程程知音小聚」音樂會中唱咗第一首包辦作曲、填詞、編曲嘅作品，由佢嘅支持者將新歌命名為《生命小夜曲》，歌曲表達佢對人生志向嘅追求，同埋對音樂嘅熱愛之情。
2018年9月，程程憑一曲《Don’t Cry for Me Argentina》考獲西九文化區嘅表演資格[9]，10月6號第一次喺西九以歌會友，重新返到街頭演唱。
2018年10月28號，程程喺銅鑼灣柏斯音樂廳舉行音樂會，邀請到年輕鋼琴家、作詞、作曲家梁柏希（Alvin Leung）伴奏，同時為程程度身訂造一首全新歌曲《回眸》。
演出[編輯]
電視節目[編輯]
程程同朋友Anson組成「指腹為fd」，成功喺二百幾隊參選隊伍之中脫穎而出，參與ViuTV旅遊節目《嚮導玩》嘅問答遊戲。節目喺2018年4月23、24號播出，程程以輕鬆幽默嘅形象得到觀眾歡心。
程程擔任ViuTV節目《2蚊遊》[10]嘅主持，以活潑生動嘅形象同觀眾見面，拍攝二十集香港本地旅遊節目[11]，帶各位老友記玩盡十八區，介紹各區名勝景點，同時食盡各區特色美食。節目喺2018年9月2號首播。
音樂演出[編輯]
- 2018年11月18號：受香港彈撥樂團邀請喺上環文娛中心演出2首民謠。
- 2019年1月6號：程程喺佐敦嘉彩漁村宴開四圍，舉行「生日聯歡會」[12]。
- 2019年1月25號：「和諧之聲．唱響紅磡廣場」音樂會[13]。
- 2019年2月8號：「好歌歡聚！28新春喜慶金曲演唱會」[14]。
- 2019年3月24號：首張個人唱片「陪著你走」發佈會[15]。
- 2019年4月28號：2019樂施音樂馬拉松活動上，自彈自唱「遇見」、JAZZ版「對你愛不完」以及How far I'll go。
攞過嘅獎[編輯]
2019
- 2019 NMCC International Competition - HK Regional 美國nmcc國際音樂邀請賽 - 香港 ---- 金獎
- 世界表演藝術錦標賽 WCOPA Team Hong Kong, CHINA ---- 銅獎
參考[編輯]
- ↑ China Daily, When it all quiets down
- ↑ 晴報：旺角殺街在即 表演者轉戰尖咀 行人專用區 周日最後演出
- ↑ RTHK.HK:Curtains for Mong Kok, street artists eye new site（12/7/2018）
- ↑ 香港01【旺角行人專用區】區議員稱殺街無難度 惟當局執行前須加強宣傳(12/7/2018)
- ↑ 東網：旺角行人區取消在即 表演者倡發牌勝殺街(26/5/2018)
- ↑ 翡翠台 東張西望 訪問旺角羅文 程程（25/5/2018）
- ↑ 香港電台電視台第三台（英文頻道）（12/7/2018）
- ↑ BeautyExchange【Be Story第八集】旺角街上的歌聲 (14/6/2018)
- ↑ 〈【西九文化區】推廣街頭表演 靠捧場客帶旺人流〉. 原著喺2020年3月27號歸檔. 喺2019年1月29號搵到.
- ↑ ViuTV《2蚊遊》（9/2018）
- ↑ 〈周日電視節目推介：銀髮族香江《2蚊遊3》〉. 原著喺2020年3月27號歸檔. 喺2019年1月29號搵到.
- ↑ 街頭表演唱入酒樓 「生日聯歡會」舊歌新唱[失咗效嘅鏈]
- ↑ 街頭歌手走向社區 女音生動譜唱舊曲[失咗效嘅鏈]
- ↑ 〈社區音樂人團結憑歌關懷長者 年初四歡聚迎豬年〉. 原著喺2019年4月2號歸檔. 喺2019年4月2號搵到.
- ↑ 街頭歌手堅持追夢 自資灌錄個人首張CD[失咗效嘅鏈]