斑馬線
(由斑馬綫跳轉過嚟)
斑馬線(粵拼：baan1 maa5 sin3) 係畀行人可以直接過馬路嘅設施，因為路面會油上斑紋，睇落有啲似斑馬，所以就叫斑馬線。
香港嘅斑馬線係冇紅綠燈，只係有黃燈提醒司機減速，地面油白色斑紋，同時兩邊有「之」字綫。根據運輸署道路使用者守則，「如果有人喺斑馬綫上，就要停車，畀行人過馬路。」
喺中國大陸，家下大都市街頭一啲斑馬線前都有寫「禮讓行人」四字嚟提醒司機減速或停車，畀行人過馬路。
喺一啲斑馬線唔普遍嘅地方，例如加拿大，可能會有啲地方出現斑馬線同時有行人交通燈嘅情況，呢種情況下嘅呢啲其實都唔係真嘅斑馬線，油上嘅斑紋亦只係用嚟提醒司機嗰度會有行人過馬路。