雪梨 (澳洲)

雪梨夜景，左手邊係雪梨歌劇院，右手邊係雪梨大橋。

雪梨又叫悉尼（英文：Sydney；原名發音/ˈsɪd.ni/），係澳洲一城，亦係一埠，又叫雪梨埠。因爲澳洲又叫新金山，所以個埠又叫雪梨金山。雪梨地處澳洲東岸，係新南威爾斯首府。響1788年，阿瑟菲臘（Arthur Phillip）同第一艦隊登陸雪梨洞，聲稱澳洲係大英帝國嘅屬地。

雪梨而家有多元文化，人口四百萬，係澳洲各城之中，最大同最多人口。佢係澳洲嘅經濟、文化、金融同埋旅遊中心。

雪梨埠對出嘅海叫雪梨港，港則有雪梨歌劇院同雪梨港灣大橋，世界知名。

名

「雪梨」係當地唐人一路用開嘅名，「悉尼」就係近年興起嘅名。中國大陸主要用後者、台灣主要用前者；而用廣府話嘅港澳地區就一半一半，兩個名都有擁躉：有一派認為「雪梨」（syut3 lei4）呢個名沿自廣府話，聲母「sy」對應英文「Sy」，所以應該用「雪梨」；另一派就認為用廣府話讀「悉尼」（sik1 nei4）比「雪梨」聽起嚟更加接近英文原音，所以應該用「悉尼」。

地理

雪梨地處澳洲東岸，對住太平洋，喺盆地邊邊。