雪梨城市鐵路
雪梨城市鐵路（英文：Sydney Trains）係澳洲一個服務雪梨嘅鐵路系統，有9條線，由政府全資擁有同營運。
雪梨城市鐵路糅合咗地下鐵路、市區鐵路、同埋近郊鐵路嘅特色，提供市區及市郊嘅快速公共運輸服務。
新南威爾斯州嘅鐵路系統由兩個機構負責：其中一個就係雪梨城市鐵路，負責營運市區同埋近郊線（簡單講，只係喺雪梨嘅範圍）；另外一個機構就係新州鐵路，負責營運遠郊線同埋城際線（簡單啲講就係雪梨範圍以外營運鐵路，包括去到坎培拉、墨爾本，布里斯班等地嘅火車）。
雪梨列車同埋新南威爾斯州鐵路遠郊線都採用澳寶卡（Opal Card）無接觸式嘅自動售票系統。
