新宿
新宿（日文：新宿／しんじゅく Shinjuku */?），日本東京一地，圍繞新宿站嘅地方，同澀谷、池袋，並為東京三大副都心。大部分地方歸東京都新宿區管。其名稱來昔日甲州街道下宿場町「內藤新宿」（内藤新宿／ないとうしんじゅく Naitō Shinjuku）。
新宿最初係東京市郊，昭和年間先至成為東京市區一部分。關東大地震反而係發展契機。隨住新宿站擴充，客量提升，佢同丸之內、日本橋等山手線東側商圈，並列為東京中心商務區。時至今日，新宿站西口西新宿，係日本少有摩天大樓集中地，聚集無數企業總部，政府機關，東京都廳舍就喺處。另一方面，位於新宿站東口新宿二丁目，同大阪的堂山町，並列為日本最大同志村，而歌舞伎町，日本少數大型紅燈區之一。