新清水灣道

出自維基百科,自由嘅百科全書
Jump to navigation Jump to search
新清水灣道四順至彩雲邨路段
新清水灣道高架天橋

新清水灣道英文New Clear Water Bay Road)係香港九龍一條馬路、清水灣道飛鵝山嘅分支路,連接四順佐敦谷,喺彩雲邨繡文樓(即彩雲聖若瑟小學對開位置)同清水灣道匯合。條路喺1980年初通車,大部分路段採用三線雙程及六線雙程行車,全長大概2.5公里[1]

新清水灣道高架天橋係香港海拔最高嘅大橋,係來往西貢同九龍嘅新橋。呢條橋發生過幾次跳橋事件,因為橋上同橋下嘅新清水灣道相差幾十米,有人揀喺呢條有行人路嘅天橋自殺[2]

新清水灣道起之前,啲車由九龍來往西貢半島將軍澳等新界以東嘅未發展地區只可以由彩雲邨嘅清水灣道入,但因為嗰段清水灣道好斜,嗰陣嘅車,尤其係大車就行得好辛苦,政府有需要起新路,所以喺佐敦谷同彩雲邨之間起新清水灣道上山去順利邨,再用大橋接駁上飛鵝山去西貢半島。

現時新清水灣道已經喺2009年同佐敦谷彩興里連接,啲車可以經佐敦谷去牛頭角一帶。

參考[編輯]

  1. 1979.jpg,張相喺1979年影,從當時英國皇家空軍九龍灣兵房高空俯瞰四順、彩雲邨、清水灣道、坪石邨彩虹邨,可以見到起緊嘅彩雲邨。版權屬香港公共圖書館所有。
  2. 「同一黑點 三日第二宗跳橋死」,《蘋果日報》,2009年4月16號,A04。