新福利集團

新福利集團
類型	巴士公司
開檔	2004年1月; 澳門
總部地址	澳門
產業	公共交通、運輸、廣告、科技、房地產、貿易等
產品	澳門新福利; 蕪湖市新福利; 澳門億能旅遊會展項目策劃及服務有限公司; 澳門通

新福利集團（粵拼：san1 fuk1 lei6 zaap6 tyun4），簡稱新福利san1 fuk1 lei6，係澳門嘅一間負責巴士營運嘅公司，喺2004年1月成立。總部喺澳門。而家喺澳門、廣州、佛山、江門同蕪湖有佢當地嘅巴士業務。

屬下公司[編輯]

澳門新福利公共汽車：喺1988年7月18號成立，將之前澳門福利公共汽車重組而成。
廣州市新福利巴士：喺1993年12月1號成立，開始同廣州市電車公司合作，重係第一間喺廣州搞合作嘅中外合資巴士公司。2002年，因越秀公園總站撤銷，加上2號綫工程嘅影響，巴士公司搬到機場路電車總站之後解除同電車公司合作。2007年，由於廣州市交通委員會解決巴士公司越多而導致惡性競爭問題，喺2009年10月1號轉咗畀第二巴士公司。
佛山市新福利巴士：喺2004年7月15號成立，但由於長期蝕錢，2009年7月1號轉咗畀佛山汽運集團。
江門市新會新福利巴士：喺1999年7月1號成立，係廣東第一間獨資外資巴士企業。2010年6月11號轉咗畀江門市汽車運輸集團。
蕪湖市新福利公交：喺2004年11月成立，開始同香港珍寶公司合作，但2005年2月因珍寶公司退出而改由新福利集團接管。2007年同運泰集團合作而搞出蕪湖市新福利公交有限公司。
澳門億能旅遊會展項目策劃及服務有限公司：集旅遊、會展、項目策劃、旅遊包車嘅公司。