新竹捷運

新竹捷運、新竹輕軌
資料
區域	中華民國 新竹市、新竹縣
交通類型	輕軌運輸系統

新竹市大眾捷運系統，簡稱新竹捷運，係新竹市所規劃既輕軌運輸系統，所以又被稱為新竹輕軌。係台灣一座最早喺1989年提出嘅大眾捷運系統，服務範圍廣及新竹市、新竹縣，當時叫做「新竹都會區大眾捷運系統」。後嚟因為各種因素而冇起到，只係優先推動咗六家線作為台鐵喺新竹縣市支線喺2011年通車啟用。

而捷運路網就喺2001年改規劃為輕軌運輸系統，最早只係新竹市規劃路網。之後新竹縣、新竹市、苗栗縣、竹科管理局曾經喺2007年聯合提出竹竹苗輕軌，但未進入細部規劃。後來範圍縮限至新竹縣市，喺2012年、2014年各提出過路網規劃。去到2020年又將範圍縮至新竹市，叫做「新竹市大眾捷運系統」，俗稱大新竹輕軌計畫，其中嘅新竹環線輕軌列入前瞻基礎建設計畫。同年新竹市計劃又將環線輕軌拆分為紅、藍、橘等線，並新增綠線，其中藍線交由新竹縣負責規劃辦理，新竹縣喺2022年路網規劃嗰陣再新增黃、淺藍、棕、紫等線。