新詞

新詞（粵拼：san1 ci4）係某個語言或語種入面，近排出現嘅新詞彙或原創詞組。新詞通常同特定嘅人物、出版物、時期或者事件有關。

新詞可能係舊詞重新組合、稍加變化（例如諧音或者縮寫）或者通過特定語義修辭手法形成^[1]，又或者由其它語言或者專業領域引入。新詞通常反映新發明、新現象或新事物或者新嘅文化背景，有重要意義。

全球每種語言每年都有新詞產生，辭典亦會經常更新收錄新詞。