方臘
方臘（？—1121年10月7號），又叫做方十三或者方朕，原籍安徽歙縣，後嚟搬咗去睦州青溪縣（依家既浙江省淳安縣）。佢係北宋末年著名既明教領袖同埋農民起事既首領，佢俾人叫做「喫菜事魔」之徒，或者叫「食菜事魔教」。
生平
[編輯]方臘係打工仔出身，性情豪爽，深得人心，加上組織能力強，佢利用咗明教嚟傳教，號召咗很多生活困苦既農民跟佢；當時既宋朝統治者窮極奢侈，平民辛做嘢都食唔飽，江浙一帶仲受到花石綱（綱係宋朝係指運輸隊）既搜刮，另一方面宋朝俾遼夏貴族既歲銀又多，農民對朝廷對內強暴，對外軟弱、屈辱求和其實都唔滿意。
公元1120年（宣和二年）方臘率眾係歙縣七賢村起事（有啲講法係淳安縣萬年鄉清溪幫源洞起事），喺漆園嗰度誓師，指出宋朝既朝廷所犯既惡行，自稱聖公，年號永樂，用頭巾做標誌，計劃十年內推翻宋朝。
公元1121年（宣和三年）四月，宋朝名將韓世忠，帶兵打方臘，生擒咗方臘同埋部下五十二人，喺同年八月係汴京被處決咗佢哋，呢件事，歷史上叫做「方臘之亂」。當時既情況，就好似《續資治通鑑》所講：「凡破六州、五十二縣，戕平民二百萬。所掠婦女，自賊洞逃出，裸而縊於林中者，相望百餘里。」
後嚟宋朝政府將睦州改名做嚴州，清溪縣改名做淳化縣。
文藝作品
[編輯].jpg)
施耐庵寫既章回小說《水滸傳》裏面有描寫方臘起義反抗宋朝既故事，故事亦都描寫咗好多方臘既大將，仲有方臘立太子方天定等既情節。施耐庵將方臘寫做「四大寇」之一（《水滸傳》既「四大寇」係山東宋江、淮西王慶、河北田虎、江南方臘），最後方臘俾魯智深捉咗；但係喺民間傳說，活捉方臘既係武松，而「武松獨臂擒方臘」最早係喺南宋筆記《林泉野記》提到，後來既元雜劇都有呢個情節，比《水滸傳》流傳得更加早。後來拍攝既電影、電視劇，例如邵氏電影既《蕩寇志》、大部分都加入咗「武松獨臂擒方臘」既情節。