日本歷史教科書爭議

出自維基百科,自由嘅百科全書

日本歷史教科書爭議係指圍繞日本國內歷史教科書而衍生嘅爭議,主要爭論圍繞書中嘅近代史等課題,亦涉及日本文部科學省教科書檢定同採納等議題。日本歷史教科書問題唔止引起日本國內關注,週邊國家好似中華民國中華人民共和國俄羅斯北韓南韓以及其他東亞及東南亞國家,尤其關注日本嘅歷史教科書點樣記載同評價日本喺第二次世界大戰期間嘅行為。

日本歷史教科書主要惹起爭論嘅係教科書應該點樣平衡多方面嘅史觀:日本自19世紀末對同東亞、東南亞各國一系列衝突嘅道義評估;日本對其他東南亞國家發展嘅影響,究竟係正面定負面,或者有冇隱瞞一啲表述;日本有冇認真對自己嘅行為進行反省,以及至1945年以前對東亞各國衝突嘅定調;日本作為引起戰爭嘅一方,書中內容有冇強調日本做過嘅錯事。