早安越南

《早安越南》（英文：Good Morning, Vietnam）係1987年上映嘅美國戰爭喜劇片，由羅賓·威廉斯主演。套戲用詼諧嘅方式詮釋越南戰爭、諷刺當時嘅新聞審查制度。背景設定響1965年嘅西貢，羅賓·威廉斯係一位美軍電台嘅主持人，因為節目風趣而受到士兵嘅喜愛，但就俾站內嘅長官視為眼中釘。劇情參考咗越戰期間擔任過美軍電台DJ嘅艾德倫·康納嘅經驗。

威廉斯喺套戲大部分嘅廣播內容都係即興創作嘅，佢因為出演呢套片而獲得奧斯卡最佳男主角獎嘅提名。

獲獎同榮譽

呢套戲獲頒政治電影協會和平獎，亦都被提名英國電影學院最佳音效獎，2000年俾美國電影學會列入AFI百年百大喜劇電影。