2007年昂坪吊車跌落事故

出自維基百科,自由嘅百科全書
(由昂坪360跌吊車跳轉過來)
跳去: 定向搵嘢
一架吊車嘅車卡喺接近東涌吊車站嘅纜塔。

2007年昂坪360跌吊車事件係喺香港時間2007年6月11號嘅夜晚八點三左近發生,一架昂坪360吊車喺經赤鱲角南路隔嚟嘅纜塔嗰吓,突然間喺 52 高跌咗落地,好彩嗰時唔係營運嘅時間,吊車冇人,先冇人死傷。呢個係昂坪360 通車到而家,最嚴重嘅一次意外。香港政府立法會傳媒同埋旅遊業界都好關注呢件事,國際傳媒都有報導呢件事[1]。當時政府亦叫吊車無限期停駛,直至完成咗調查同運出補救嘅方法為止。

經過[編輯]

2007年6月11號夜晚,吊車喺度行緊速度測試,運行速度係每秒 7 米到(每個鐘頭 25 公里),而纜車喺一般情況下嘅運行速度係每秒 5 米(每個鐘頭 18 公里)。至到夜晚八點四到,21 號車卡同前面嘅車卡準備經過喺赤鱲角南路同觀景路交界嘅迴旋處附近嘅 A2 號纜塔。前面嘅車卡過咗纜塔之後,21 號車卡經過纜塔時脫離咗個鋼纜,喺 52 米咁高跌咗落去草堆到。由於事發嗰陣已經過咗營運嘅時間,故車卡到係冇無任何乘客,經過消防隊搵過之後證實咗地面上冇人因為咁而死傷[2]

車卡跌咗地後,職員趕到現場一睇,爛得好緊要。目擊者喺夜晚八點卅十七分報警。警方到咗之後立刻封鎖現場。大批嘅消防員亦趕到,搵清楚之後確定冇人被困。

善後[編輯]

昂坪360嘅營運商 Skyrail 喺事發之後第日凌晨一點宣佈,吊車即刻停駛,同埋會全面調查件事嘅原因,到而加都唔知服務幾時先恢復。地鐵亦發表聲明話對件事高度重視,同埋強調確保昂坪360旅客嘅安全係地鐵首要嘅任務。

昂坪360嘅常務董事高德偉事之後話,相信吊車車廂跌落嚟唔關操作事,佢無意辭職。佢強調,吊車以前用過事發嗰時嘅速度行,喺冇超速。佢重特別指出吊車車廂係當年由地鐵公司直接同意大利製造商 Leitner 買,Skyrail 作為營運商淨係會負上同營運相關嘅責任[3]

再行返[編輯]

吊車停駛六個月後,喺硬件更新及連串運行測試後,昂坪360於2007年12月28號宣佈,喺機電工程署批准下,於12月31號恢復載客,並宣佈改纜車標誌,同埋用4款新嘅車廂塗裝。

影響[編輯]

由於係近香港回歸十周年嘅旅遊旺季,昂坪360嘅停駛會為昂坪市集嘅營運構成一定嘅負面影響。香港旅遊發展局喺事發前印製咗一百萬份宣傳刊物唔可以派出街,而準備喺境外播放嘅旅遊宣傳短片亦都要改[4]

昂坪360承諾喺吊車停駛嗰時,昂坪市集舖頭唔使交租。

有啲網友重改咗昂坪360嘅主題曲身心啟迪之旅身心墜毀之旅

參考[編輯]

  1. Reuters (June 12, 2007). "Empty cable car crashes at Hong Kong hot spot" (用英文寫). MSNBC. 喺June 12, 2007搵到. 
  2. BBC News (June 12, 2007). "Hong Kong probes cable car plunge" (用英文寫). BBC. 喺June 12, 2007搵到. 
  3. 星島日報 (2007年6月15日). "吊車公司不認錯拒辭職" (用中文寫). Yahoo!香港. 喺2007年6月15日搵到.  檢查日期值喺: |access-date=, |date= (詳情)
  4. 明報 (2007年6月15日). "360打亂宣傳 旅局擬索償" (用中文寫). 明報. 喺2007年6月15日搵到.  檢查日期值喺: |access-date=, |date= (詳情)
  1. 《昂坪纜車飛墜52米跌散》,原載《明報》,2007年06月12日。