明天會更好
提示：呢篇文講嘅唔係A Better Tomorrow。《明天會更好》（英文：Tomorrow will be Better）係全球華語流行樂壇史上最成功嘅公益單曲之一，由羅大佑作曲，羅大佑、張大春、許乃勝、李壽全、邱復生、張艾嘉、詹宏志等人共同作詞，陳志遠編曲，羅大佑、張艾嘉、李壽全出面邀集台灣60位華語歌手共同錄唱。專輯於1985年年底出版，收錄群星合唱版、松江兒童合唱團演唱版、卡拉OK伴唱版、伴奏版四種版本，由藍與白唱片發行。
參與歌手
[編輯]參與男歌手
[編輯]- 部分獨唱兼合唱
- 余天、李建復、洪榮宏、王夢麟、費玉清、齊秦
- 合唱
- 巫啟賢、包偉銘、包小松、包小柏、王日昇、文章、「水草三重唱」（黃元成、許環良、許南盛）、齊秦、江音傑、李宗盛、吳大衛、林禹勝、施孝榮、岳雷、徐乃麟、徐瑋、姚乙、張海漢、童安格、楊烈、楊耀東、廖小維、羅吉鎮、鍾有道
參與女歌手
[編輯]- 部分獨唱兼合唱
- 蔡琴、蘇芮、潘越雲、甄妮、林慧萍、王芷蕾、黃鶯鶯、陳淑樺、金智娟、李佩菁、齊豫、鄭怡、江蕙、楊林
- 合唱
- 張艾嘉、張清芳、成鳳、「百合二重唱」（李靜、周月綺）、李碧華、何春蘭、陳黎鐘、黃慧文、芊苓、林淑蓉、邰肇玫、唐曉詩、麥瑋婷、許慧慧、賴佩霞、藍心湄
創作背景
[編輯]- 1985年，非洲埃塞俄比亞發生飢荒。為援助饑民，美國歌手以稍早英國群星合唱嘅公益單曲Do They Know It's Christmas為藍本，組成USA For Africa，推出合唱歌曲We Are the World，專輯版稅捐作賑災用途，迴響極為熱烈，並募得鉅款。流風所及，世界各地多有仿效者。
- 1985年，《明天會更好》原定宣佈喺10月10號上市，但喺各界翹首企盼下，延期到咗台灣光復節40周年；1986年係「國際和平年」。《明天會更好》嘅創作初衷，即係模仿We Are The World「群星為公益而唱」嘅形式，呼應世界和平年嘅主題、並紀念台灣光復40週年。
- 《明天會更好》邀集嘅華人歌手跨越唔同地域、唔同唱片公司，打破咗簽約嘅限制。專輯製作單位以「明天基金會籌備會」嘅名義，邀集台灣當時最知名嘅唱片公司包括飛碟唱片、喜瑪拉雅音樂、新格唱片、歌林唱片、滾石有聲出版社、鄉城唱片、寶麗金唱片、麗歌唱片、光美文化、上華唱片、點將唱片、科藝百代、福茂唱片等參與呢張專輯，並由各間唱片公司競標發行權。專輯售出嘅盈餘由後嚟標得專輯發行權嘅藍與白唱片捐畀中華民國消費者文教基金會（消基會），為消基會籌募新台幣600萬元嘅基金作為公益之用。
- 「紀念台灣光復40週年」嘅主題喺歌曲發行之後，反而好少被提及。呢個可能同發行時間一再推延、錯過咗1985年10月25號嘅台灣光復節有關。《明天會更好》嘅公益訴求，亦變得更模糊、分歧。當時台灣唱片市場嘅盜版、盜錄問題非常嚴重，加上曾經有媒體以「海盜王國」形容台灣生產名牌仿冒品嘅猖獗情形，對台灣嘅國際形象傷害頗大，故「反盜版」、「反盜錄」、「反仿冒」亦成為好多參與歌手強調嘅主題。
- 關於呢首歌嘅歌詞，羅大佑喺後嚟回憶台灣喜劇演員許不了嘅時候，曾經透露：「後嚟喺寫《明天會更好》嘅歌詞時，我為佢填咗一句『誰能忍心看他最後的小丑 帶走我們的笑容』，但被認為太灰色，無法採用。」根據最後嘅演唱版本，發表嘅歌詞係：「誰能忍心看那昨日的憂愁 帶走我們的笑容。」2019年，滾石音樂公佈原版歌詞，全歌詞充滿悲痛同批判。
- 錄唱前夕，主辦單位邀集好多音樂界、文化界人士各自貢獻詞句，以羅大佑嘅版本為主，逐句修潤，先至共同完成最終嘅歌詞定稿。
- 《明天會更好》集結咗60位台灣歌手，但係其中一啲著名歌手卻未能出席，包括鳳飛飛、歐陽菲菲同鄧麗君。
- 2011年元月發行嘅《印刻文學生活誌》刊載羅大佑同龍應台嘅對談紀錄中，羅大佑表示，答應咗寫歌工作之後，至知道中國國民黨原本想就地利用呢首歌曲作為該黨嘅選舉歌曲，當下有「被騙」嘅感受；但因完成後嘅歌曲有部分歌詞寫實地描寫咗灰暗面，被中國國民黨中央委員會文化工作會（文工會）認為唔適合用作選舉形象歌曲，作為該黨選舉形象歌曲嘅提議先至作罷。
影響
[編輯]- 《明天會更好》集合台灣樂壇眾多巨星合唱嘅空前創舉，加上朗朗上口嘅旋律，令呢首歌大受歡迎，專輯喺短短幾個月內就喺台灣、香港等地售出25萬張以上，成為全球華人嘅公益典範。1990年代，中國大陸嘅中小學老師更經常將《明天會更好》列為歌唱比賽嘅指定曲。
- 1987年，香港無綫電視推出類似《明天會更好》嘅《地球大合唱》，邀集群星為公益獻唱，兩者常被相提並論。2001年，台灣「金曲獎」發起反盜版運動，邀請羅大佑製作主題曲《2001明天要更好》；2003年為防治沙士，鼓勵民心，召集80幾位歌手製作合唱作品《手牽手》；同喺2005年初為響應救助南亞海嘯災民，召集近100名歌手合唱《愛》，亦能夠見到當年「《明天會更好》」嘅影響。
- 2011年10月10號，中華民國100年國慶典禮上由台灣原聲童聲合唱團嘅《百年禮讚》表演中，以《明天會更好》代表國語嘅部份。
- 2012年6月2號教育部發起紫錐花運動選定《明天會更好》做為運動主題曲，風行各級學校校園；並喺2013年元旦總統府升旗典禮邀請臺北市中山女高、內湖高中同新北市復興商工三校學生喺典禮上演唱。
睇埋
[編輯]連出去
[編輯]- 歌曲製作内幕 歌曲製作内幕
- Yahoo!奇摩部落格 《明天會更好》歌詞
- MV
