星街小區（Starstreet Precinct）係指香港香港島嘅灣仔西邊，指星街一帶，靠近太古廣場三期。星街小區一帶有星街、月街、日街、永豐街等。原本係香港最早發電廠原址，今日有好多各式餐廳、藝廊、花舖等等。
1900年代，香港電燈公司起咗第一間發電廠，當時發電廠最重要嘅用處係供電畀各街各家照明。因為佢帶來光明，所以用傳統上嘅三光，日月星來命名三條街，即係日街、月街同星街。
