映畫倫理機構
映畫倫理機構，日本電影檢查組織，為一般法人，日文寫成映画倫理機構，通常會見到減筆為映倫。所謂映畫，即係電影。日本國內，啲片想喺戲院公開放映，都要經佢審查內容同分級，以保護未成年嘅人。未成年睇嘅戲，按年紀要合符一定倫理。組織係日本電影業者自己搞出來，自律組織，無法定地位。審查咗嘅，都有映倫編號。機構設喺東京都中央區築地。
映倫分級有四，一者，大人細路都睇得。二者，十二歲要大人指引下睇。三者，未夠十五歲唔畀睇。四者，未夠十八歲唔畀睇。
名[編輯]
英文叫Film Classification and Rating Organization，不過更多時寫做Eirin，日文映倫個音。
史[編輯]
一九四九年四月，仿效美國，制定映畫倫理規程，成立映畫倫理規程管理委員會，史稱舊映倫。一九五六年十二月，成立映畫倫理管理委員會，史稱新映倫。二〇〇九年四月廿三號，制定映畫倫理綱領，改稱映畫倫理委員會。二〇一七年四月一號，改做一般財團法人，改名映畫倫理機構。