時間追蹤軟件（取自英文：time-tracking software）係一類用嚟做時間管理嘅軟件：時間管理專家強調，要知道自己啲時間用喺邊度係非常重要；研究發現人做嘢嘅時候，經常會唔知不覺咁分心去做啲同工作無關嘅嘢，好似睇下社交媒體咁[1]。由於呢種情況應該要避免，有人開發咗啲時間追蹤軟件去幫人監察自己嘅時間運用。例如有啲 apps 每半個鐘會響一次，提醒用家記低自己頭先做咗啲乜，等用家可以睇返自己有冇分心做其他嘢。
