普京正撚樣

普京

《普京正撚樣》 （烏克蘭文：Путiн - хуйло，羅馬化：Putin - khuilo；俄文：Путин - хуйло，音標：['putʲɪn xʊj'lo]）係一句針對俄羅斯總統普京嘅粗口，同時亦都係一首歌。呢首歌嚟自夏爾奇夫米達列斯足球會球迷喺2010年寫嘅一首球場歌。因為2014年克里米亞危機，呢首歌喺烏克蘭國內好多地方流傳，並獲得好多國際媒體報道。

原意

烏克蘭文嘅「хуйло́」嘅拉丁轉寫包括huilo、huylo、khuilo、khuylo、xujlo等等，呢個字源自хуй （khuy），喺烏克蘭文同俄文嘅意思都係指脧。加埋-lo之後就解「柒頭」。這句話簡寫птн x̆ло （ ptn kh ̆ lo ），其中字母“ x̆ ”係西里爾字母х、у同й加埋，解做хуй呢個粗口 。 2014年5月，呢個字俾城市詞典收錄，解普京，呢件事獲得烏克蘭同白羅斯等等國家傳媒嘅報道。另外，烏克蘭等地亦都流傳住一句相似嘅口號「 ПТН ПНХ 」（PTN PNKh），係「 П у т и н, п ошёл н а х уй 」（Putin, poshol na khuy ，即係「普京躝開」）嘅縮寫。

非準確版歌譜

俄羅斯記者阿捷美·托洛斯基話，呢段旋律最早改編自帕·本恩 1961年首歌《墨西哥女郎》嘅副歌部份，而米達列斯嘅球迷喺2010年將佢改做《蘇基斯正柒頭》，當時，米達列斯嘅事頭亞歷山大·雅羅斯拉夫斯基同烏克蘭足球總會主席果戈里·蘇基斯之間有拗撬，於是支持事頭嘅米達列斯球迷就用呢句粗口嚟表達對蘇基斯嘅不滿 。

2014年3月開始，作為烏克蘭東部主要城市之一嘅夏爾奇夫成為親俄示威嘅核心，夏爾奇夫嘅球迷就開始改嗌「普京正柒頭」 。呢首歌好快紅，喺各球會之間傳唱，甚至包括米達列斯嘅競爭對手當尼斯克薩克達同基輔戴拿模 。 2014年5月就有報導話，互相為敵嘅幾支球隊嘅球迷竟一齊唱呢首歌 。英國《衛報》話，「普京正柒頭」廣為流傳，已經成為「全國流行語」 。

2022年俄羅斯入侵烏克蘭

俾烏克蘭黑客入侵嘅叉電站

「普京正柒頭」喺2022年俄羅斯入侵烏克蘭期間再次流行起上嚟。烏克蘭釀酒商尤里·扎斯塔夫尼準備咗帶有英文字母「Putin Huylo」嘅玻璃樽，用嚟製作反抗俄羅斯軍隊嘅燃燒彈。

烏克蘭黑客入侵咗俄羅斯嘅電動車叉電站，令啲叉電站叉唔到電，而係顯示包含「普京柒頭」嘅滾動消息。

一場演唱會之前基輔奧林匹克運動場嘅人一齊唱《普京柒頭》

好多烏克蘭搖滾樂隊已經喺作品入面加入或者改編咗《普京柒頭》的旋律。例如，2014年4月21號樂隊AstrogentA出嘅一首重金屬歌就彈咗《普京柒頭》，並且加入好多遊行示威嘅鏡頭睇到佢已經流行喺烏克蘭球隊之間 。又例如，烏克蘭樂隊Teleri喺2014年5月6號出咗首《普京你好！ 》，呢首歌用雙關話，用英文嘅「Hello」（你好）代替「khuylo」（柒頭）藉以話「普京正柒頭」，喺副歌部分樂隊成員着住波衫扮球迷遊行並大嗌「普京你好」。樂隊半開玩笑咁講，話將佢哋嘅歌同鬧普京嘅口號連埋一齊完全係誤會，並且話只有唔識英文嘅俄羅斯人先會覺得係冒犯 。

2014年5月9號，網媒Hromadske.TV直播樂隊「雷蒙治基計劃」（Lemonchiki Project）唱呢首歌嘅畫面 。 6月13號，樂隊Druha Rika喺音樂會上唱咗呢首歌 。癲頭XL樂隊亦都改編咗首歌。《基輔郵報》話，佢哋一共收到九段呢首歌嘅唱歌片同埋兩首有關嘅歌 。

政界人士引用

2014年5月，烏克蘭國會議員奧列·利亞殊科被拍到唱呢首歌，段片俾人擺上YouTube 。同年6月14號，烏克蘭一架之軍用運輸機俾親俄武裝組織擊落之後，當時嘅烏克蘭代理外交部長安德烈·德希查喺俄羅斯駐烏克蘭大使館前面對示威嘅群眾講咗呢句說話 ，佢話：「佢（普京）正一柒頭，但係——散隊啦，唔該！」有關講話俾Hromadske.TV播咗出嚟。無幾耐之後，烏克蘭總統波羅申科就任命咗另一個外交官帕夫羅·哥廉金主管外交部 。據烏克蘭媒體話，今次換人行為毫無徵兆 。《衛報》講，德希查嘅呢番說話引起俄羅斯高層普遍不滿。不過，美國駐烏克蘭大使謝菲·派亞特喺Twitter話德希查用呢番話係為咗「尋求平息危險形勢」，並且讚揚德希查係個有經驗嘅外交官。

國際反響

盧甘斯克一個車庫棟牆上面寫住「盧甘斯克係烏克蘭嘅，普京正柒頭！」

呢首歌在烏克蘭之外嘅地方都出現過，包括墨西哥 、日本 、美國、加拿大、捷克 、波蘭同一啲西歐國家。

好多國際媒體都報咗相關事件，包括《衛報》、《華盛頓郵報》、《南德意志報》 、《華爾街日報》、自由歐洲電台／自由電台、《世界報》、《選舉報》、《人民報》、《大西洋》、《今日以色列》等等。烏克蘭電視台TVi甚至加入咗維基百科嘅畫面截圖，當時篇文章已經有12種語言嘅版本 。

踎低噴飯喺倫敦一場表演入面加入咗普京同米高安哲羅大衛像條脧作為背景動畫，暗示「普京正柒頭」 。

命名

恆星

2014年7月，烏克蘭太空人將恆星TYC 3541-945-1命名為「普京正柒頭」星作為對俄羅斯吞併克里米亞嘅回應 。呢粒恆星位於天鵝座同天琴座之間，愛爾蘭網媒TheJournal.ie話：「喺晴朗嘅夜晚，你會見到『普京正柒頭』。」

報紙

2014年7月起，怡陀米亞一份報紙用「普京正柒頭」作為報頭，報紙編輯話，佢哋咁做係因為好多讀者嘅要求 。

睇埋

• 俄羅斯軍艦，屌你老母！