三門仔

出自維基百科,自由嘅百科全書
(由暉曜花園跳轉過嚟)
船灣海嘅三門仔,睇三門仔 (白沙頭)
三門仔

三門仔Sam Mun Tsai),又叫三門仔漁民新村,係香港一地,又係一村,喺大埔東北,以漁村名聞香港。佢喺個半島之上,對住大埔海,北係船灣,南係鹽田仔。附近北面沙欄,有比華利山別墅。原本呢度唔係叫三門仔,而真正嘅三門仔,喺老虎笏半島對出嘅白沙頭。因爲1960年代,香港政府船灣淡水湖而成條村搬到現址,而呢帶因而叫三門仔。

地理[編輯]

三門仔新村嘅位,查實喺鹽田仔北𡰪位。因爲鹽田仔北面,船灣一帶坭沙沉積,而成爲連島沙洲。所以新村變成連理喺沙洲南面,半島中段。三門仔對住大埔海,係個半月形嘅灣,香港政府喺灣口起咗條堤,等三門仔變成避風塘,是爲船灣避風塘。三門仔新村背後,係個山仔,有聯益漁村,係漁民村來嘅。條村喺個山上面,對住船灣海,可以望到洋洲馬屎洲。而三門仔新村同聯益漁村村口,有暉曜花園基督教五旬節聖潔會三門仔堂

交通[編輯]

三門仔有三門仔路,駁去汀角路。而三角仔新村,亦有碼頭,可以畀人租船前往吉澳等東北離島。由於馬屎洲係地質上係特別地區,有山路由三門仔新村,橫過鹽田仔到另一岸,等潮退時行沙洲過去馬屎洲。而碼頭船載人去馬屎洲。

區內[編輯]

  • 三門仔新村
  • 聯益漁村
  • 基督教五旬節聖潔會三門仔堂
  • 暉曜花園