曾醒明
曾醒明（英文：Tsang Sing Ming，1951年11月9號—）係前無綫電視企業傳訊部宣傳科副總監。1973年11月入職電視台[註 1]，2016年離職後歷任亞洲電視外事總監同埋香港開電視外事顧問。
佢喺無綫電視工作嘅42年間，協助解決咗多個公關問題，例如2009年演員陳鴻烈猝逝[1]、2012年全民票選香港小姐伺服器系統故障[2]、2011年陳志雲喺威遠行動中被廉政公署拘捕同埋馬賽艷舞風波等等[3][4]。
另外，無綫電視間中會安排演員同埋觀眾喺香港嘅廣場一齊睇劇集嘅大結局。呢啲公關宣傳活動嘅靈感亦係出自曾醒明 ─ 佢喺2004年為《金枝慾孽》策劃「御膳盆菜為公益」一慈善盆菜宴[註 2]。自此，電視台採用咗相類嘅公關手法[註 2]。
註
[編輯]- ↑ 關於曾醒明入職無綫電視年份、升職年份以及同何掌邦一齊參與香港社區義工服務嘅資料出自香港電台第一台廣播節目《守下留情》喺2020年4月14號播出嘅訪問。
- ↑ 2.0 2.1 關於曾醒明構想同公眾一齊喺廣場收睇劇集大結局意念嘅資料出自香港電台第一台廣播節目《守下留情》喺2020年4月16號播出嘅訪問。
參考
[編輯]- ↑ 〈【拆彈專家】化解陳鴻烈遺孀誤會〉。香港蘋果日報。2017-01-04。原著喺2020-04-11歸檔。喺2020-04-11搵到。
- ↑ 〈黑客搞喎港姐? 無綫高層鞠躬息民憤〉。太陽報。2012-08-28。喺2020-04-11搵到。
- ↑ 〈曾醒明拆解TVB三大公關危機 全靠一招令傳媒佩服〉。晴報。2019-09-03。喺2020-04-11搵到。
- ↑ 〈【公關危機】曾醒明陪馬賽出面道歉：屋企人問點解要拖住〉。香港蘋果日報。2017-01-03。原著喺2020-04-11歸檔。喺2020-04-11搵到。