最低橋接點

最低橋接點（英文：lowest bridging point），又叫做最低橋點、最低過河點（lowest crossing point）係河流上面最靠近大海既跨河橋樑既位置。

從歷史既角度嚟睇，即係喺工程技術發展到可以起隧道同天橋樑之前，河流既最低橋接點附近通常有貿易同商業活動，從而會發展成為重要既鄉鎮或者城市。河既兩岸通常都會有路通到城鎮，呢啲路令到人同埋貨都可以由廣闊既腹地進入城鎮；亦可以經過河道用船艇來往上游；通常最低橋接點會有碼頭，可以用船經過下游出海。

英國歷史上最低橋點既例子包括倫敦，倫敦橋曾經喺泰晤士河上既最低橋接點；蘭加士打（Lancaster）既卡萊橋（Carlisle Bridge）曾經係月牙河（River Lune）既最低橋接點；約克係烏斯河（River Ouse）既最低橋接點；雅息特（Exeter）既舊雅息橋（Old Exe Bridge）曾經係雅息河（River Exe）既最低橋接點；告羅士打（Gloucester）係 Severn 河既最低橋接點 ，而格拉斯哥（Glasgow ）係從 Clyde 河既最低橋接點慢慢發展出嚟既。馬修巴黎（Mathew Paris）喺1247年畫既英國地圖似乎只畫咗一條橋：喺史特靈（Stirling），嗰度係福呼河（River Forth）上面既最低橋接點。

中世紀既威尼斯（Venice ）係以 Rialto 橋兩邊做中心，喺1854年學院橋（Ponte dell'Accademia）起好之前，嗰度一直係大運河既最低橋接點。