月球日

  提示：呢篇文講嘅唔係太陰日。

月球日，準確嚟講係月球太陽日，係指月球參照太陽重複一次自轉嘅週期。由於地球同月球之間有潮汐鎖定，隻週期都係月球圍住地球公轉一輪、重複相同月相嘅週期（即太陰月）。因為噉，朔時到朔時嘅週期著經常攞嚟代表佢。 月球日對應地球嘅29.5個太陽日。

主要定義

相對於啲天球度嘅固定恆星，月球需要27個地球日，7小時43分鐘12秒來完成一個軌道週期。但係，由於同時地月系統都圍住太陽行，所以月球必須行得仲遠多啲先轉返同一個相位。平均嚟講，呢個會合週期持續29日12小時44分鐘3秒， 即地球度一個陰曆月嘅長。確切嘅長度會跟住時間變，因為地月系個圍太陽行嘅速度都有少少變化，而地月系公轉速度係受橢圓軌道個偏心率、軌道速度與及其他好多啲喺啲觀察值、相對值、平均值上下變化嘅週期性（periodic）、演進性（evolving）嘅乜乜物物因素影響，啲又受太陽佮埋太陽系其他啲天體嘅引力擾動影響嘅。

係噉，月球上畀定點嘅月晝從開始到結束就持續大約兩週，然之後係月夜又大約兩週。

其他指代

• 英文「Lunar day」又可以指太陰日。
• 英文「Lunar day」又可以指月晝，用喺白日同埋晚黑嘅語境入便，即戥月夜相反。呢個喺討論溫度嘅巨大差異嗰陣好常見，例如喺啲有關月球漫遊車嘅討論當中。譬如，「蘇聯嘅Luna任務旨在度過一個月晝（兩個地球週）。 又如，中國於2019年1月降落月面嘅Yutu-2漫遊車，旨在通過關機嚟喺月夜生存到。

陰曆

喺某啲陰曆入便，例如印度曆，陰曆日或者喊做Tithi係定義為陰曆月嘅1/30，即月亮戥太陽之間嘅經向角度增加12度要到嘅時間。根據返呢個定義，陰曆日嘅持續時間好多時都會有啲唔同。

睇埋

• 陰陽曆（老曆/農曆）
• 火星日

連出去

• 好多唔同城市嘅月球日與及其他月球數據。 Lunarium.co.uk。
• 月球標準時間（LST） lunarclock.org。