月相

出自維基百科,自由嘅百科全書
Jump to navigation Jump to search
2013年1月(農曆壬辰年冬月二十到臘月二十)嗰次嘅月相變化

月相粵拼jyut6 soeng3),又嗌月相變化,係從地球上睇月光個樣。因為月光同地球一樣,本身都係唔發光,要靠反射太陽光先至識發光。其中俾太陽照射嗰面係光,背向太陽嗰面係暗。由於月球圍住地球從西向東公轉,所以日、地、月三個之間嘅相對位置都唔停噉變,令月球發光部分出現有時對住地球,有時背向地球,甚至有時半對住半背向地球。即係從地球望去月光嗰邊,成日出現月相變化個樣。

大宋詩人蘇軾寫嘅《水調歌頭》詩篇,有句講到「月有陰晴圓缺」就係指天上嘅月相變化[1][2][3]

概述[編輯]

喺地球上望到嘅月相變化規律

喺北半球地區望
喺南半球地區望

由於月光從新月位到望月,再從望月返到新月之間,平均需時29.53日,所以月相嘅變化週期係29.53日。喺歷來啲曆法入面,講嘅朔望月同埋禮拜就係指佢。呢個時間比月球公轉嘅時間——恆星月要長,因為月球圍住地球公轉嗰時,地球都圍住太陽公轉,所以:

  • 每朔望月,月球大概要轉:360+360×29.53÷365.24=389.11°
  • 一恆星月:29.53×360×389.11≈27.32(日)。

喺中國華北同東北地區,舊時流傳呢兩隻版同月相有關嘅規律歌[1][4]

月黑無光稱做朔,初二西天是新月。初七初八月正南,明暗各半上弦月。
十五十六月兒圓,全月通明是滿月。二十二三半夜昇,東明西暗下弦月。
黎明之前東方起,二十七八是殘月。每月一次日期定,月相變化記心中。
初一新月不可見,只缘身陷日地中。初七初八上弦月,半輪圓月面朝西。
滿月出在十五六,地球一肩挑日月。二十二三下弦月,月面朝東下半夜。

喺地球中低緯度區嚟講,月球一般都係東昇西落。其中北半球睇月光位都係中天方位偏南,而南半球睇係中天方位偏北;而月昇到月落大概得部份時間先至睇到,若果月光喺天空期間屬日頭,用肉眼都好難睇到。

超級藍血月[編輯]

超級藍血月係天文學入面講嘅超級月光藍月同埋月食呢三樣喺天上同時出現嘅跡象[5]。呢種現象比較少見,一般每152年先至撞到一次[6][7][8][9][10][11]

日食同月食[編輯]

內文: 日食月食

月球喺農曆每月初一或十五、十六期間,都會轉到太陽同地球之間,所以嗰時會有日食或月食發生。其中日食喺農曆初一時出現,月食喺農曆十五或十六時出現。不過,唔係農曆冚唪唥每個月初一或十五、十六時都有日食或月食發生,因為月球軌道面同地球軌道面之間有成5°到嘅夾角,令日、月、地三個天體即使喺新月或望月天時,都唔喺同一直線上。

尤其係血月,一般喺月全食時,月光俾地球影遮住嗮嗰時先至見到。

超級月光[編輯]

內文: 超級月光

超級月光係望月新月同近點月同時發生嘅近點朔望月,亦係講月球喺橢圓軌道上圍住地球公轉,到近地球位時,同時喺太陽同地球之間成一直線狀態。宇宙學嚟講係地球同月球間距離<360Mm[12][13] 。若果喺朔望月同近點月嘅時間差喺24個鐘以內可以嗌做超級月光,10個鐘以內嘅係極端超級月光[14]。呢種現象凈限部份農曆十五或十六嘅望月時分先至睇到。

藍月[編輯]

內文: 藍月

藍月唔係「天上嘅月光係藍色」噉解,係歐美地區成日講嘅一種天文現象[15][11][16]。一般嚟講,若果喺一個月入面出現兩次望月[註 1]嘅話,第二個望月唔理係定唔係閏月,都係嗌藍月。

月相嘅名[編輯]

雖然月相嘅名喺唔同國家或地區,因為文化背景唔同,所以嗌出個名都唔一樣。喺粵語圈入面分別有新月、娥眉月、上弦月、上凸月、望月、下凸月、下弦月、殘月呢8種講法。喺黃道座標入面,佢同太陽嘅黃道經綫平面分別成0°、0~90°、90°、90~180°、180°、180~270°、270°,及270~360°。其中「上」字代表月光發光部份逐漸加大,「下」字代表月光發光部份逐漸縮細。

農曆是旦邊日,晴或少雲天氣時,天上見到嘅月光情況。
月相[註 2] 睇到範圍 出現時段 乜時段先至睇到 所屬時段[註 3] 睇到個樣
北半球 南半球 月出 中天 月落 北半球 南半球 北半球 南半球
新月
(朔月)
以黑暗面對住地球 成個白天。同太陽一齊昇落,晚黑唔見月光。 農曆每月初一,肉眼冇辦法睇到。 06:00 12:00 18:00
Moon phase 0.svg
Moon phase 0.svg
因為喺太陽左近,加上太陽光好劖眼,所以基本上睇唔到。
娥眉月 右邊嗰1~49% 左邊嗰1~49% 上晝到前半夜 農曆每月初二到初八。太陽落山後無耐,喺西邊天空。 09:00 15:00 21:00
Moon phase 1.svg
Moon phase 7.png
Here is the obligatory " I gotta a new long lens" shot! (10746642215).jpg
Moon-phase.png
上弦月 右半圓 左半圓 中午到午夜 農曆每月初九。限挨晚到前半夜睇,過咗半夜冇得睇。 12:00 18:00 00:00
Moon phase 2.png
Moon phase 6.png
Daniel Hershman - march moon (by).jpg
Jurvetson - Navigation (by).jpg
上凸月 右邊嗰51~99% 左邊嗰51~99% 晏晝到後半夜 農曆每月初十到十四,晚黑大多數時間睇到。喺天氣比較凍時,太陽未落山時都睇到。 15:00 21:00 03:00
Moon phase 3.png
Moon phase 5.png
Lune-Nikon-600-F4 Luc Viatour.jpg
Luna vista desde el hemisferio sur.jpg
望月
(滿月)
成隻月光 挨晚到天光無耐出現,成個晚黑都有得睇。 農曆每月十五、十六,有時喺十七都有。 18:00 00:00 06:00
Moon phase 4.png
Moon phase 4.png
2014-08-10, full Moon near perigee.jpg
Lune29septembre2004.jpg
下凸月 左邊嗰99~51% 右邊嗰99~51% 前半夜到上晝 農曆每月十七到廿一,晚黑大多數時間睇到。日頭時喺西邊天空都望到。 21:00 03:00 09:00
Moon phase 5.png
Moon phase 3.png
2013-01-02 00-00-55-Waning-gibbous-moon.jpg
Moon 24 03 2011 (5555607876).jpg
下弦月 左半圓 右半圓 午夜到中午 農曆每月廿二。限後半夜到天光睇,未過半夜冇得睇。 00:00 06:00 12:00
Moon phase 6.svg
Moon phase 2.svg
Waning gibbous moon near last quarter - 23 Sept. 2016.png
Lune6h6oct2004.jpg
殘月 左邊嗰49~1% 右邊嗰49~1% 後半夜到晏晝 農曆每月廿三到廿九或三十。就快日出前無耐,喺東邊天空。 03:00 09:00 15:00
Moon phase 7.png
Moon phase 1.svg
Pirai.jpg
Өсуші Ай.jpg

一般嚟講,地球望上天,個月會有盈虧,因為地球望上月球反射面,大細會唔同。農曆一個月裏面,初一到個月會消失,唐人習慣叫呢個做新月。之後逐漸移出地球同太陽之間嘅區域,開始睇到月光俾太陽照到嗰好細忽,叫娥眉月,回敎地方習慣月光啱啱有光先叫做新月。隨後逐漸越嚟越光,光到一半時嗌上弦月。之後月光逐漸睇到大多數發光部份,嗌上凸月。到十五左右,就最圓,叫圓月月圓,又嗌望月滿月。之後隨住日、月嘅位逐漸靠近,月光亦會縮返細,開始先縮細忽但睇到大多數發光部分,嗌下凸月,日本地方習慣嗌呢個做待月。隨後逐漸越嚟越暗,到一半大嗰時嗌下弦月。之後月光逐漸縮細到得返俾太陽照到嗰細忽範圍,唐人習慣叫呢個做殘月。最後到咗下個初一左近,又會消失。

科學界入面重多「晦」同「既朔」兩種講法:

月相 性質 乜時段先至睇到
北半球 南半球
似殘月但凈得條好彎嘅細鉤 農曆每月廿九或三十,就快日出之前嗰一個鐘內,喺東邊天空近地平線嗰邊。 East-Side-Phase-330.jpg East-Side-Phase-025.jpg
既朔 似娥眉月但凈得條好彎嘅細鉤 農曆每月初二,太陽落山之後嗰一個鐘內,喺西邊天空近地平線嗰邊。 East-Side-Phase-025.jpg East-Side-Phase-330.jpg
喺北半球望到嘅月相。若果喺南半球望,每隻都係180°反轉嘅。

月相變化喺南北半球都唔同睇法:

北半球
  • 農曆初二到十四:月球係左暗右光,光嘅部份逐漸向左增加兼月球逐漸凸起,直到滿月為止。
  • 農曆十七到廿九:月球係右暗左光,光嘅部份逐漸向左減少兼月球逐漸凹陷,直到朔月為止。
  • 逐漸加光部份:永遠係右邊
南半球
  • 農曆初二到十四:月球係右暗左光,光嘅部份逐漸向右增加兼月球逐漸凸起,直到滿月為止。
  • 農曆十七到廿九:月球係左暗右光,光嘅部份逐漸向右減少兼月球逐漸凹陷,直到朔月為止。
  • 逐漸加光部份:永遠係左邊

日曆[編輯]

內文: 農曆

喺華人界入面,好多時提到嘅農曆啲日子,最先從月相演變出嚟[17][18]。喺商舖賣嘅紙質日曆入面,尤其係中文版,喺公曆日期隔籬都印咗農曆嘅陰陽曆日期,而且個個日期都反應到同月相有關嘅事[3][19]。因為古代啲人成日對月相有第啲稱呼。講得迷信啲,亦有算命師傅試過用月相嚟做算命、望天打卦、八卦、睇風水呢啲嘢[20]

Unicode嘅關係[編輯]

喺2010年10月發佈嘅Unicode 6.0版,第一次收錄咗繪文字。喺2016年6月發佈嘅Unicode 9.0版,其中喺U+1F311到U+1F318區域出現咗同月相有關嘅文字嚟畀電腦做輸入支援[21][22]

月相名 符號 Unicode 表情 意思
新月 🌑 U+1F311 新月 新月 農曆初一嘅月相,因離太陽太近,肉眼冇辦法睇到。
娥眉月 🌒 U+1F312 娥眉月 娥眉月 朔月到上弦月之間嘅月牙
上弦月 🌓 U+1F313 上弦月 上弦月 上弦月嗰時嘅半圓形月光
上凸月 🌔 U+1F314 上凸月 上凸月 上弦月到滿月之間嘅月相
望月 🌕 U+1F315 望月 望月 成隻圓形嘅月光樣
下凸月 🌖 U+1F316 下凸月 下凸月 滿月到下弦月之間嘅月相
下弦月 🌗 U+1F317 下弦月 下弦月 下弦月嗰時嘅半圓形月光
殘月 🌘 U+1F318 殘月 殘月 下弦月到晦月之間嘅月牙
晦月 🌑 U+1F311 晦月 晦月 農曆廿九或三十嘅月相,同樣因離太陽太近而好難睇得到。

註同攷[編輯]

[編輯]

  1. 呢度講嘅「兩次望月」係一個月入面,農曆出現連續兩個十五或十六嘅事。唔係十五之後跟住嗰個十六。
  2. 喺科學界重有「晦」同「既朔」嘅講法,但係民間唔承認呢兩樣。
  3. 呢度寫嘅「所屬時段」分別係按農曆每個月初一、初五、初九、十二、十五、十九、廿二、及廿五呢啲時段嚟寫。

[編輯]

  1. 1.0 1.1 (6)月有陰晴圓缺—月相變化 人民網
  2. 蘇詞賞析2——《水調歌頭》
  3. 3.0 3.1 依靠月亮变化的太阴历
  4. 這才是中國最美的圓缺哲理:初一為朔,十五而望 每日頭條
  5. ‘Super Blue Blood Moon’ Coming Jan. 31 (英文)
  6. Missed the Blood Moon Lunar Eclipse? Here's When the Next One Is Happening SPACE.com
  7. "Super blue blood moon: Thousands turn out across Singapore to catch special lunar eclipse". CHANNEL NEWSASIA. 2018-01-31. 
  8. "Super Blue Blood Moon 2018: Don't Miss the First Blue Supermoon Lunar Eclipse for 152 Years". Newsweek. 2018-01-29. 
  9. "Super Blue Blood Moon' to appear after 152 years". CHINADAILY.com.cn. 2018-01-31. 
  10. "Eclipse 2018: Rare Super Blue Blood Moon in pictures". EXPRESS. 2018-01-31. 
  11. 11.0 11.1 YouTube上面嘅 152年才有!藍月、血月及超級月亮同時登場
  12. "November 2017 full moon a supermoon? | EarthSky.org". earthsky.org (用英文寫). 喺2018-01-08搵到. 
  13. Nolle, Richard. "Astrologer Richard Nolle's Century 21 CE SuperMoon Table". www.astropro.com. 喺2018-01-08搵到. 
  14. Fergus, Wood (1976). The Strategic Role of Perigean Spring Tides in Nautical History and Coastal Flooding, 1635-1976. Washington DC: NOAA. 
  15. "直播|原来"蓝月"不是"蓝色的月亮"!今晚,小观陪你看超级月亮". 解放日报. 新浪. 2018-01-31. 
  16. Jasper Hamill (2018-01-31). "A Super Blue Moon will light up the sky tonight – so why isn't it actually blue?". METRO. 
  17. 月相变化和农历关系 读书网
  18. 月相與農曆的對應 網路天文館
  19. 古代的科学,今日之文化 上海科技
  20. 月相的朔、望、晦分别指代什么
  21. "UCD: Emoji Data for UTR #51". Unicode Consortium. 2016-11-14. 
  22. "UTR #51: Unicode Emoji". Unicode Consortium. 2016-11-22. 

有關嘅書[編輯]

  • 中国少年儿童百科全书 自然·环境 第89-90页 浙江教育出版社 ISBN 7-5338-1946-2/G·1942
  • 《什么是月相变化规律歌》 少年万事通 第200页 内蒙古少年儿童出版社 ISBN 7-5312-1106-8/I·225

連出去[編輯]

一般[編輯]

教育性質[編輯]