朱光

出自維基百科,自由嘅百科全書
跳去導覽 跳去搵嘢
朱光
個人資料
性別
出世1906年10月10號
大清帝國 大清廣西博白縣松旺鎮茂山屯
1969年3月9號
中華人民共和國 中華人民共和國安徽合肥
籍貫廣西博白
政黨中國共產黨
學歷
  • 博白縣立初級中學,1925年
  • 玉林(廣西)省立第二中學/第二省立高中,1926年秋
  • 廣州國民大學,1927年初
  • 上海藝術大學,1928年夏-1929
職業
  • 參與成立上海藝術劇社,1929.10
  • 中共淞浦特委秘書長,1931
  • 大道劇社(蘭衣劇社)成員,1932
  • 蘇區紅四方面軍政治部秘書長,1932年淞滬抗戰後
  • 延安魯迅藝術學院秘書長,院務委員會成員,1938.4
  • 延安馬列學院秘書長,1938.5
  • 第十八集團軍朱德總司令秘書,兼任第十八集團軍總部秘書長,1938.11-1940
  • 第十八集團軍一二九師宣傳部部長,1940-1943
  • 冀南軍區政治部主任,兼任冀南區黨委宣傳部長。1943
  • 冀魯豫軍區政治部主任,1944-1945
  • 齊齊哈爾嫩江軍區副政委,1945.10
  • 北平軍調部第三十六執行小組中共代表,1946.4
  • 中共齊齊哈爾市委書記,1946.12-1948
  • 中共東北局城市工作部秘書長,1948.5
  • 中共長春市委書記,1948.10.19-1949.8
  • 中共廣州市軍管會委員、中共廣州市委副書記、廣州市人民政府秘書長、副市長,1949.10
  • 中共廣州市委代理書記,1949.12-1952.10
  • 廣州市市長,1954.10-1960.10
  • 國務院對外文化聯絡委員會副主任,1960.10-1965.12
  • 中共安徽省委常委、安徽省副省長,1965.12-1966年春季

朱光1906年10月10號1969年3月9號),原名朱光琛,用過嘅名有朱曼生朱愈之廣西博白人,中共政治人。1930年加入咗共產黨,參加過長征。參與過廣州暴動後,派咗去上海搞地下文宣活動。1932年再派咗去鄂豫皖蘇區,做紅四方面軍政治部秘書長。到咗延安搞戲劇俾毛澤東等人睇中,跟著一路升官。1945年後俾指派到東北,先後接掌齊齊哈爾同長春嘅中共市委書記。中共建政後,由1949年10月到1960年10月,一路做過廣州市軍管會副主任、廣州市副市長、廣州市市長。主政廣州有十一年[1]

生平[編輯]

早年[編輯]

1927年四一二事發後,到咗省城考入咗廣東國民大學,成為埋共青團廣州市委委員,同年12月廣州暴動入邊,帶著十幾個青頭仔會同工人赤衛隊衝入咗差局,佔領間屋當成係少年先鋒隊嘅指揮部。暴動失敗後經香港返咗廣西,被指定做共青團廣西省委嘅負責人[2]。1928年夏,中共廣西特委再派咗朱光去上海,跟著佢用咗上海藝術大學學生嘅身份,成立咗上海藝術劇社搞地下文宣活動。1930年夏轉正成共產黨員。1931年中華蘇維埃共和國成立嘅時候,朱光就喺上海度親手繪製同刻板中共新政權嘅第一張貨幣[1]

平步青雲[編輯]

1937年初朱到達咗延安,主要係繼續演戲劇,喺演《血祭上海》一劇時,受到咗毛澤東等高層讚揚,跟著就俾指派做魯迅藝術學院嘅秘書長。佢同廖承志嗰時被譽係「紅軍劇社兩演員」。1938年5月被調咗做馬列學院秘書長,仲同余修拉埋天窗,同年11月再調任朱德總司令嘅秘書兼第十八集團軍總部秘書長。1940年春離開咗集團軍,調咗去多處部隊度做宣傳部長。到中共嘅新冀魯豫軍區1944年成立後,就任命佢做軍區嘅政治部主任[3]。   

國共內戰時期[編輯]

睇埋:1945年嘅國共衝突同埋長春圍城

中日戰爭後,中共決定咗要進軍東北,朱光同曹里懷就接受咗指派,由冀魯豫根據地率領少數幹部同部隊喺1945年5~10月下旬到咗東北[4],參與東北度嘅戰役活動。呢個期間朱被派咗去齊齊哈爾擔任中共市委書記,佢喺當地創建咗嫩江軍政幹校仲親任校長,又細緻咁制訂啲宣傳中共各項政策仲有接收政權、鎮壓其他反對勢力嘅工作方案,維持著管治當地嘅秩序[3]

到中共東北軍打贏咗長春圍困戰後,朱光再俾中共調派做長春市第一任嘅黨委書記,由佢主持逐步恢復返受圍困戰摧殘嘅長春市內秩序[5]

接掌廣州[編輯]

1952 做咁廣州中蘇友好協會副會長時嘅朱光,同楚拉基

中共建政後,朱由於有返管治城市嘅經驗而被指派南下,喺1955年1月——1960年11月期間,擔任咗中共廣州第一至三屆人民委員會廣州市市長。朱主政廣州嘅時候,係大力協助返葉劍英同何偉等處理廣州管治度嘅各項工作,為咗掌控當地而不惜一切有殺錯無放過。做過嘅事幹有:沒收大量民眾私有企業等資產,搞咗唔少同中共立場唔一致嘅社團[6]。其次仲有份大推三反五反、中共三面紅旗(總路線、大躍進、人民公社)運動。任內朱仲參與過廣州嘅推普同簡化中文運動。喺1959年1月14號嘅廣州市推廣普通話、促進文字改革動員大會度,宣佈咗成立廣州市文字改革協會籌備會,朱光就做咗主任委員。

晚年[編輯]

1960年,朱光赴北京任國務院對外文化聯絡委員會副主任,負責對外文化交流工作。1965年轉任中共安徽省委常委、安徽省副省長。到咗第二年嘅春季文革開始咗,朱光就遭到咗批鬥,被加上對抗「文化大革命」、「死保李葆華」同叛徒特務等嘅罪名[1][6]

1969年3月9號,朱喺安徽合肥一間關押老幹部嘅房間入邊死咗,成為咗第一個「文革」入邊畀人批鬥死嘅前廣州市市長。

1978年當局平反咗朱,仲追認佢做革命烈士。

睇埋[編輯]

[編輯]

  1. 1.0 1.1 1.2 李衛平. "戴鐐銬走過長征路的忠貞戰士朱光". 炎黃春秋.
  2. 朱光 2008-01-04 广州市革命回忆录专题文库 广州图书馆
  3. 3.0 3.1 长春地情活页 2012年 第6期 长春市地方志编纂委员会 2014-04-15
  4. 曹里怀-解放长春、天津 郴州文史
  5. 朱光传 胡提春 叶创昌 黄永镇 广州文史
  6. 6.0 6.1 朱光——首名在「文革」中批鬥致死的前任廣州市市長 記朱光含冤離世五十周年 建燁 香港獨立媒體

出面網頁[編輯]

前任:
何偉
廣州市人民委員會市長
1956年-1960年
繼任:
曾生