朱諾號

出自維基百科,自由嘅百科全書
Jump to navigation Jump to search
畫家筆下嘅朱諾號

朱諾號(Juno)係探測木星嘅太空探測機,2011年8月5號喺美國卡納維拉爾角空軍基地發射,飛咗五年27億公里,喺2016年7月5號到步,環繞木星軌道飛,收集木星成份、重力場、磁場、磁層、磁極嘅數據,重會映好多相。探測器上面嘅鏡頭、磁場計、重力探測器等九部儀器,將會探測木星內部結構、大氣成份等資料,可以幫手解開木星係咪有固體核心、大氣中有幾多水份、木星形成呢啲問題。

木星嘅洋名 Jupiter 係來自羅馬神話嘅天神「朱庇特」,朱諾號取名自朱庇特嘅老婆,神話之中,朱庇特最鐘意搞亂擋、搞搞震,之後就會用雲霧遮住佢做嘅衰嘢,不過,佢老婆朱諾一眼就睇穿雲霧,知佢做乜衰嘢。