李偲嫣
| 李偲嫣 | |
|---|---|
 李偲嫣（2013年） | |
| 出世 | 李艷青 1964年8月17號[1] .svg){kind=small} 英屬香港 |
| 死 | 2020年12月16號（56歲）[2] 香港元朗博愛醫院 |
| 死因 | 武漢肺炎 |
| 國籍 | 中國（香港） |
| 別名 | 劉李偲嫣、李私煙、私煙、偲嫣嬸嬸、偲嫣婆婆、偲嫣BB、藍絲女神、胖妹 |
| 職業 | KOL |
| 活躍時期 | 2014-2020年 |
| 競爭者 | 泛民主派、本土派、LGBT |
| 配偶 | 劉生（離咗婚） 謝鋮浚（2018年結婚；2020年結束） |
| 仔女 | 仔：劉仲朗 |
李偲嫣（Leticia Lee，原名李艷青，1964年8月17號—2020年12月16號[2]），離婚前叫劉李偲嫣，係「香港家長聯會」會長同「油尖旺區家長教師會」會長，藍絲政治同正義聯盟搞手。香港網民暱稱佢做李私煙或私煙BB。
2020年12月16號，李偲嫣因為感染武漢肺炎[3][4]死咗。
生平
[編輯]早年
[編輯]李偲嫣原本叫李艷青，1964年響香港出世。早期曾經加入無綫做臨時演員，之後去藝能唱片做幕後。佢仲係張國榮嘅死忠Fans，曾經做過張國榮歌迷會第一任會長，更加為咗佢而改個英文名叫「Lettie」。而張國榮都好信佢，同佢打好唔少圈內嘅關係[5]。
響唔撈會長後，佢曾經開過一間娛樂公司靈量創建娛樂，係鄺美雲、莫鎮賢、梅愛芳、林志美、溫碧霞、湯寶如、張沅薇等嘅經理人，但最後都係反面收場，其中鄺美雲、莫鎮賢重宣佈同李偲嫣斷絕關係[6]。
另外佢仲曾經幫手整電影，電影作品有1995年嘅《玻璃鎗的愛》同曾經開過記招都最後冇上映嘅《血傘》[7]。
之後佢曾經做「香港家長聯會」會長、「油尖旺區家長教師會」會長同香港管理專業協會李國寶中學家長教師會主席[8]。
參加政治活動
[編輯]2011年，李偲嫣以「反爽報色情資訊行動」行動發起人嘅名義到壹傳媒外抗議，又響發起「反爽行動」，批評爽報有好多色情圖片同埋文字，要求黎智英即刻同佢見面，從此就開始咗佢嘅政治生涯[9]。
2016年香港立法會選舉中，佢涉賄選正被廉政公署調查，得到新界東選區2938票後敗選[10]。
死
[編輯]2020年12月16號，李偲嫣喺屋企元崗新村暈低，救護車送佢去博愛醫院搶救，已經無生命跡象，之後證實死咗，驗完確定佢中咗武漢肺炎[3][4]。
佢嘅離世得到大批網民慶祝，有學術研究分析就發現，咁樣係因為佢喺公眾眼中，私德有嚴重爭議（例如作為藝人經理人同埋政治組織領導人物，但就虧空公款），採取激烈手法表達政治意見，而且對政見不同嘅人採取非常惡毒嘅言語。佢只係得50幾歲就死，係佢應得嘅報應。例如，網絡創作人晴天林就李偲嫣嘅死嘅二次創作歌曲《這天送你私煙姐》其中一句歌詞就話：『你說我唱作冷血太黑心，我自信因果催運』。而香港社會兩極化，一啲公眾亦認為，佢作為激進親中派主要領導人物亦要負一定責任[11][12]。
政治觀點
[編輯]佢係激進親中派人士，2012年德育及國民教育科爭議入面撐開科而開始出名，之後繼續活躍香港社運。反同性戀[13]，反佔中等方面，令佢引到人注意，言論惹非議。
另外，佢亦曾經發表對六四屠殺嘅否認同讚許言論，備受民主派支持者批評，當中不實內容亦被反駁[14][15]。
私人生活
[編輯]李偲嫣有一個大佬，係教書嘅。李偲嫣話響細個嗰陣成日畀大佬性侵，但係大佬話冇呢回事，鬧佢因為畀人追數而響度博人同情，仲話自己借咗六十幾萬畀李偲嫣，但到2018年一蚊都未收返[16]。
李偲嫣結過兩次婚，第一任老公姓劉，傳聞係黑社會人士[未記出處或冇根據]，有一個仔劉仲朗（英文：Nicholas Lau，依家係廚師[17]）。響同前夫離婚之後，曾經同唱片公司高層Tommy拍拖，但最後都係分手[5]。2018年，佢宣佈同香港專業進修學校副總監（國際教育）謝鋮浚（英文：Gary Tse）結婚，兩個人係響2015年識嘅，因為響教育問題上而越行越近[18]。
個仔劉仲朗曾經俾佢讀嘅直資李國寶中學老師公然羞辱：「你老竇冇嘢撈」[19]。另外，個仔仲響2020年6月用相機架打謝鋮浚，佢受傷而要入院[17]。
碎料
[編輯]- 有一次街頭演講，佢宣佈佢會絕食，到自己頂唔順為止，話係因為反對蘋果日報創立人梁振英（其實佢想講黎智英，但就將兩個人個名撈亂。李偲嫣係同梁振英企同一陣線），笑到人碌地：「嘩！原來CY（梁振英）係蘋果創立人！驚天大新聞！」[20]
- 曾經有人惡搞中文維基百科話佢做雞，仲有媒體當真嚟報道。喺2021年學術期刊Information Systems Frontiers就提及呢件事，指出有啲人製造假新聞，可能係出於惡作劇意圖[21]。
參考
[編輯]- ↑ 〈2016年立法會選舉新界東選區候選人簡介〉 (PDF)。原著 (PDF)喺2017年3月5號歸檔。喺2017年10月7號搵到。
- ↑ 2.0 2.1 〈李偲嫣猝死後初步確診武肺 4日前fb最後發帖狠批梁頌恆諷刺黎智英〉。《蘋果日報》。2020年12月16號。原先內容歸檔喺2020年12月16號。喺2020年12月18號搵到。
- ↑ 3.0 3.1 〈李偲嫣昏倒寓所送院搶救不治終年56歲 新冠檢測初步陽性〉。《頭條日報》。2020-12-16。喺2020-12-16搵到。
- ↑ 4.0 4.1 〈「正義聯盟」發起人李偲嫣離世 終年 56 歲 消息指武肺初步檢測陽性〉。《立場新聞》。2020-12-16。原著喺2021-07-05歸檔。喺2020-12-16搵到。
- ↑ 5.0 5.1 〈李偲嫣含羞少女照曝光曾做張國榮歌迷會會長 瘋狂追星為哥哥改名Lettie ｜ 蘋果日報〉。《Apple Daily 蘋果日報》 (香港中文)。原先內容歸檔喺2020-12-16。喺2020-12-30搵到。
- ↑ 〈【偲嫣BB舊帳】繼鄺美雲之後 林志美認信錯李偲嫣 ｜ 蘋果日報〉。《Apple Daily 蘋果日報》 (香港中文)。原著喺2021-06-21歸檔。喺2020-12-31搵到。
- ↑ Ryan (2020-12-16)。〈李偲嫣曾參與的電影〉。《講。鏟。片》 (臺灣中文)。喺2020-12-31搵到。
- ↑ 李納德 (2020-12-16)。〈李偲嫣離世｜謝鋮浚曾發文：幸福，不是長生不老 網民望節哀〉。《香港01》 (香港中文)。喺2020-12-31搵到。
- ↑ 頭條日報。〈寓所暈倒 搶救句鐘 李偲嫣疑染疫猝逝〉。《頭條日報 Headline Daily》 (中文)。喺2020-12-31搵到。
- ↑ 〈2016立法會選舉 - 選舉結果〉。www.elections.gov.hk。原著喺2016-10-28歸檔。喺2016-10-27搵到。
- ↑ Au, Cheuk Hang; Ho, Kevin K.W. (2021-01-01). "Online schadenfreude as an outcome of ideological polarization: a case in Hong Kong". Online Information Review. ahead-of-print (ahead-of-print). doi:10.1108/OIR-03-2021-0142. ISSN 1468-4527. 原先內容歸檔喺2021-12-12. 喺2021-09-21搵到.（需要註冊）
- ↑ 《《這天送你私煙姐》晴天林｜李偲嫣逝世終年56歲｜原曲：每天愛你多一些》 (英文)，原先內容歸檔喺2021-09-21，喺2021-09-21搵到
- ↑ 〈【短片】【婚姻條例】李偲嫣斥周一嶽偏幫同志變特權階級〉。《蘋果日報》。2014-04-23。原著喺2021-02-19歸檔。喺2021-02-10搵到。
- ↑ 〈【短片】【六四25年】李偲嫣：解放軍冇亂槍掃射軍人都有死啦 ｜ 蘋果日報〉。《Apple Daily 蘋果日報》 (香港中文)。原先內容歸檔喺2021-06-12。喺2021-06-12搵到。
- ↑ 自由時報電子報 (2014-06-01)。〈六四在即 香港親中派稱無人傷亡被公幹 - 國際〉。《自由時報電子報》 (中文)。原先內容歸檔喺2021-06-12。喺2021-06-12搵到。
- ↑ 〈【李偲嫣#MeToo】李偲嫣兄長反駁性侵指控：有人面臨官司亂作博同情 (23:21) - 20181014 - 港聞〉。《明報新聞網 - 即時新聞 instant news》 (繁體中文)。喺2020-12-30搵到。
- ↑ 17.0 17.1 郭顥添 (2020-06-27)。〈李偲嫣兒子涉傷繼父案 被告疑施襲後折返再襲 申請保釋被拒〉。《香港01》 (香港中文)。喺2020-12-31搵到。
- ↑ 向樂高 (2018-03-29)。〈李偲嫣終極婚照曝光！低胸束腰露4吋事業線 鋮浚哥偷訂粉紅色西裝冧偲嫣〉。《香港01》 (香港中文)。原先內容歸檔喺2020-11-01。喺2020-12-30搵到。
- ↑ 直資李國寶中學 涉公然羞辱「你老竇冇嘢撈」貧窮男生被罵走狗 互聯網檔案館嘅歸檔，歸檔日期2017年10月3號，. 《蘋果日報》 2010年12月2號
- ↑ 〈李偲嫣政總外絕食 ｜ 蘋果日報〉。《Apple Daily 蘋果日報》 (香港中文)。原先內容歸檔喺2020-08-13。喺2020-12-30搵到。
- ↑ Au, Cheuk Hang; Ho, Kevin K. W.; Chiu, Dickson K.W. (2021-04-19). "The Role of Online Misinformation and Fake News in Ideological Polarization: Barriers, Catalysts, and Implications". Information Systems Frontiers (英文). doi:10.1007/s10796-021-10133-9. ISSN 1572-9419. 原先內容歸檔喺2021-04-20. 喺2021-04-20搵到.