李安道

出自維基百科,自由嘅百科全書
Jump to navigation Jump to search

李安道(葡文:José Eduardo Martinho Garcia Leandro,1940年—),葡萄牙軍人、政治人物。第122任澳門總督

李安道生於葡屬西非安哥拉,後尾加入葡萄牙軍隊。1957年,進入葡萄牙軍事學院學習。佢喺1962年至1970年期間,曾先後被派駐到安哥拉、畿內亞東帝汶各地。後尾喺1974年參加葡萄牙康乃馨革命

康乃馨革命後,葡萄牙開始逐漸放棄其殖民地,而未獲得獨立嘅殖民地都唔同程度得到自治權力。李安道於同年被任命為澳門總督,成為歷史上最年輕嘅一位澳督。佢喺11月19號抵達澳門履新。當時李安道面對嘅係一個經濟蕭條、貪污橫行嘅混亂嘅澳門。1975年,李安道倡議成立專門對付貪污嘅肅貪機關。佢重推行公務員土生化,唔少公務員新職位從葡國招聘土生葡人回流擔任[1]

澳門嘅左派勢力喺一二三事件之後急劇擴大。澳門政府對除咗涉及葡人同埋土生葡人利益嘅事務之外,對其他社會事務都放任唔理。親中共勢力逐漸攞到澳門嘅許多政治架構,澳門事實上成為中共嘅另一個「解放區」。李安道在任期間構築咗澳門嘅民主自治建設,而佢對中國勢力控制澳門政治嘅現狀只能夠默認。1976年1月6號,佢組織草擬嘅《澳門組織章程》獲得通過,同年4月25號頒布生效嘅《葡萄牙共和國憲法》對此亦予以確認。澳門自此被定義為「葡萄牙管理下嘅中國領土」。[2]同年,獲得續任。

1979年,李安道離任。

著作[編輯]

  • Macau nos Anos da Revolução Portuguesa 1974-1979.

參考[編輯]