高斯達

出自維基百科,自由嘅百科全書
Jump to navigation Jump to search

華士古·利德·迪·阿美打·埃·高斯達(葡文:Vasco Leíte de Almeida e Costa,1932年7月26號2010年7月25號),葡萄牙海軍少將,第124任澳門總督

高斯達喺里斯本出世,曾喺印度安哥拉莫三鼻給畿內亞比紹任職,1974年4月25日參加葡國康乃馨革命,其後出任葡國內政部長同埋代總理。

1981年6月16日,高斯達嚟澳門就任第124任澳門總督。曾訪問北京廣州珠海,就當時嘅澳門填海問題進行意見交流,亦多次出訪外地,推介澳門。

任內亦重視民生發展,關注澳電運作,為電力公司編訂規則、重罰偷電、追收欠款等。另外,喺佢任內,澳門政府同英國大東電報局合作,組成澳門電訊有限公司,結束澳門官辦電話事業。

1982年,高斯達同FAG集團簽署合約,耗資638萬澳門幣,研究喺澳門興建機場嘅可行性,被視為建設澳門國際機場嘅第一步。

1983年10月28號為當時嘅澳門國立圖書館(即現今澳門中央圖書館總館)揭幕。

1984年,高斯達頒布《澳門行政組織架構總綱》,全面系統地檢討公共行政體制,再度嘗試令澳門公共行政從法理上獨立於葡國系統,理順行政關係,簡化行程序,加強行政組織嘅靈活性同埋公務員對公共行政嘅參與感,提高行政運作嘅效率同效益。高斯達因為同立法會就修改法令條文出現較大嘅意見分歧,獲當時嘅葡國總統同意後,解散立法會,成為澳門史上唯一一次由總督解散立法會嘅重大政治事件。另外,同年將選舉權開放畀冇葡國國籍嘅華裔居民。

1986年5月,高斯達離任返回葡國,由馬俊賢繼任總督。