李希凡

出自維基百科,自由嘅百科全書
李希凡
出生日1927年12月11號 喺Wikidata改呢個
出生地北京 喺Wikidata改呢個
死亡日2018年10月29號 喺Wikidata改呢個 (90歲)
死亡地北京 喺Wikidata改呢個
國籍中華人民共和國中華民國 喺Wikidata改呢個
識嘅語言中文 喺Wikidata改呢個
母校山東大學中國人民大學 喺Wikidata改呢個
職業作家、literary critic、政治人新聞從業員 喺Wikidata改呢個

李希凡1927年12月11號2018年10月29號)係中國共產黨黨員同文藝評論家,喺北京通州出世,祖籍浙江紹興。佢曾經擔任過中國藝術研究院副院長。[1]

生平[編輯]

從13歲起,李希凡起初喺洋服店做學徒,後嚟喺印刷廠做童工。20歲時,佢投奔住喺山東嘅家姐同姐夫,早晚接送外甥返學放學,夜晚為擔任山東大學馬克思主義哲學教授嘅姐夫趙紀彬做筆錄。從此佢開始接觸並鍾情於馬克思主義。此後佢成為山東大學文史系旁聽生,後嚟先後入華東大學幹部培訓班、山東大學中文系。[2]

1953年8月,李希凡喺山東大學中文系畢業。從1953年9月到1954年12月,李希凡喺中國人民大學哲學研究班學習並畢業。[1]1954年春假期間,李希凡、藍翎一齊撰寫咗《關於〈紅樓夢簡論〉及其他》一文,對之前無幾耐《光明日報》刊登嘅俞平伯《紅樓夢研究》嘅一啲觀點提出唔同睇法。篇文喺山東大學《文史哲》雜誌1954年第9期發表,後於《文藝報》1954冬第18期上轉載。無幾耐,李希凡、藍翎共同撰寫嘅《評〈紅樓夢研究〉》喺1954年10月10號《光明日報》「文學遺產」欄目發表。佢哋嘅兩篇文章受到毛澤東肯定。1954年10月16號,毛澤東向中共中央政治局成員及文化等有關部門領導人發出咗《關於〈紅樓夢〉研究問題的信》。[2]此後掀起咗對俞平伯《紅樓夢研究》嘅批判。[1]

1954年,李希凡當選第二屆全國政協委員。1955年,出席第一屆全國社會主義建設青年積極分子大會並榮獲獎章。1955年1月,李希凡被調入《人民日報》社文藝部,歷任文藝評論編輯、文藝評論組組長、文藝部副主任、常務副主任。其間,1975年李希凡當選第四屆全國人大代表[1]

1986年,李希凡調入中國藝術研究院任常務副院長,佢亦兼任全國藝術科學規劃領導小組常務副組長、中國作家協會全國委員會委員、中國紅學會副會長、中國文藝年鑑主編、紅樓夢學刊主編等職務。1988年,佢當選中國共產黨第十三次全國代表大會代表;1992年當選中國共產黨第十四次全國代表大會代表。1991年起,李希凡享受政府特殊津貼。1993年,李希凡當選第八屆全國政協委員[1]

參考[編輯]