李建成
李建成（589年—626年7月2號），字毘沙門，中國唐朝高祖李淵大仔。隴西成紀（家陣甘肅秦安西北）人。原本係皇太子，後來二細佬李世民發動玄武門之變，李建成俾箭射死。之後李建成尐仔女全部俾李世民殺死嗮，冇咗後患，兩父子都踢出皇室。後來李世民做咗唐太宗，追封李建成做息隱王，當佢親王噉葬，後來又追封做隱太子。
玄武門之變[編輯]
害人[編輯]
秦王李世民功績卓越，太子李建成驚李世民會搶走皇位。為咗削弱嚟自李世民嘅威脅，李建成做咗種種應對，李建成同李元吉一齊，暗算李世民最重要嘅謀士房玄齡同杜如晦，將佢哋革扯，而後又派人殺死李世民嘅重要將領尉遲恭，失敗後又詆毀尉遲恭，尉遲恭經李世民求情先唔使死。為咗削弱李世民嘅力量，當突厥人喺公元626年頭入侵邊境嗰陣，李建成同李元吉去抵抗突厥人，想趁機攞走李世民幕府嘅勁揪將領同士兵，李建成同李元吉重金賄賂李世民手下嘅關鍵人物，希望佢哋倒戈相向。李世民反擊，收買玄武門嘅禁軍將領常何去做自己友。
兵變[編輯]
武德九年（626年）六月三日，李世民向老豆李淵篤李建成、李元吉同尹德妃、張婕妤背脊，話佢哋通姦偷情，淫亂後宮。李淵即刻對四人私通亂倫做個調查。第二日一早，張婕妤將李世民對佢哋嘅控告通知李建成同李元吉，佢哋決定唔去朝廷而擅自去見皇帝，講道理，之後騎馬去太極宮，想為自己辯護，結果喺玄武門遇到李世民嘅埋伏，李建成俾李世民射殺，李元吉亦都俾尉遲恭射死，史稱玄武門之變。
身後[編輯]
李世民之後攞住大權執政，李淵落柯打畀李世民管國事。李世民殺死嗮李建成同李元吉嘅仔，重喺宗籍度刪咗佢哋個名，趕盡殺絕。李世民做咗唐太宗之後，恢復李建成喺宗籍嘅名，追封佢做息王，謚號隱，後來恢復太子身份，嗌隱太子。
屋企人[編輯]
老婆[編輯]
仔[編輯]
女[編輯]
至少有五個女，其中三個未有喺歷史上記載。
參考[編輯]
- ↑ 〈《册府元龟 卷七百十五 宫臣部 忠于所事》〉. 原著喺2009年9月11號歸檔. 喺2014年10月12號搵到.