李貞駒

李貞駒（Christine Ching Kui Lee），英國華人律師，中共統戰部間諜，喺英國為中國政府進行滲透工作。2022年1月，英國軍情五處向英國國會議員發出警告，叫佢哋唔好同李貞駒來往。

中共協調下推動英國華人參政

李貞駒係英國華人參政計畫創辦人，曾經同同屬親中派嘅自由黨梁日昌一齊創立香港英籍華人網絡並擔任主席，曾經喺2019年獲得英國「社群之光」（Points Of Light）獎章駕馭，當時嘅首相文翠珊亦曾經讚揚佢促進中英社群嘅互動。

英國軍情五處警告英國議員事件

2022年1月，英國軍情五處向英國議會發出警告，警惕國會議會唔好同李貞駒來往。李貞駒一直喺英國政壇，以英國華人參政嘅名義，同唔少國會議員廣泛接觸，但英國軍情五處就揭發咗佢嘅行動其實係喺中共統戰部嘅秘密部署下進行。

之前，英國工黨議員簡德禮（Barry Gardiner）曾經收到李貞駒幾十萬英鎊嘅捐款。簡德禮亦一度請過李貞駒個仔做助理，但佢之後請辭。另外，英國自由民主黨黨魁戴宏亦被揭發有收李貞駒嘅捐款。

有英國議員要求驅逐李貞駒出境，但英國內政大臣彭黛玲就話，佢嘅活動未去到犯罪門檻，當局正研究採取措施，加強立法，提出依家唔能夠進行嘅檢控工作。