東京喵喵

出自維基百科,自由嘅百科全書
跳去導覽 跳去搵嘢

東京喵喵》(日文東京ミュウミュウ),係一部由征海未亞繪畫,吉田玲子構思故事嘅日本魔法少女漫畫,2000年喺《Nakayoshi》開始連載,至到2003年完,單行本7冊。之後有續集《東京喵喵part II》(日文東京ミュウミュウあ・ら・もーど),單行本2冊。

佢喺2002年出咗電視動畫,喺東京電視網首播,有52集。喺香港亞洲電視首播嗰陣叫《貓貓戰隊》,重播就改名做《東京喵喵》,香港有線電視播嗰陣叫《東京Mew Mew》。

2020年宣佈將會重新動畫化。[1]新動畫叫《東京喵喵New》,預計喺2022年7月響東京電視網開始播。[2]

故事簡介[編輯]

外星人嘅祖先喺三億年前響地球度住,後尾因為環境惡化而被迫搬去其它星球度住,但嗰度啲環境仲差過地球,佢哋想返去地球但係做唔到,依家佢哋有幾個人嚟咗地球度,打算消滅啲人類,畀啲同胞返嚟地球住。「喵喵咖啡屋」嘅主人白金稜同朋友赤坂圭一郎為咗阻止外星人嘅行動,就實行「喵計劃」,將Red Data Animals嘅DNA注入五個女仔度,令佢哋喺變身之後有神奇嘅力量可以對抗啲外星人。呢五個女仔組成「東京喵喵」,同啲外星人戰鬥,為地球嘅未來而努力。最後「東京喵喵」成功保衛咗地球,外星人亦都搵到改善自己星球環境嘅方法。

參考[編輯]

  1. "Tokyo Mew Mew Magical Girl Manga Gets All-New Anime". 2020-04-02. 喺2021-02-10搵到.
  2. "TVアニメ『東京ミュウミュウ にゅ~♡』2022年放送決定!ティザービジュアルやメインスタッフも公開!キャストユニット「Smewthie」はスタートアップシングル3月22日配信限定リリース決定!". 喺2021-06-30搵到.