東方樂園

東方樂園係喺中國廣東省廣州市嘅一間冇咗嘅遊樂園，喺白雲區嘅白雲山西邊，鳴泉居度假村附近，附近冇幾遠就係大金鐘水庫。1985年7月1號開業，2004年9月7號執笠，入面嘅遊樂設施就喺2005年5月，冚唪唥都拆嗮。依家呢個地方係白雲國際會議中心。

介紹

呢間樂園佔地240000平方米，入面有大中小型嘅遊樂項目挾挾埋埋總共有50幾個。其中有雙環過山車、摩天輪、森林狩獵、環園列車、太空漫遊、波浪秋千等呢啲驚險又刺激嘅現代機械遊樂項目；重有人造海浪、彩虹飛渡、長河游同埋兒童泳池等四部分組成嘅水上世界同埋旱冰場呢啲健身；重有賽車同埋電子射擊等呢啲有體育性嘅娛樂項目；入面重有有中國歷史人物塑像館、歡樂中華、環幕電影、東方之旅等呢啲可以睇得嘅娛樂項目，同埋金鐘小鎮等呢啲有民族風情嘅模擬再現項目。呢間公園喺1987年開始到2004年執笠為止，重辦咗一年一度嘅「廣東民間藝術歡樂節」。

以前公園有嘅主要項目

• 水上世界
• 演藝中心
• 環幕電影院
• 卡拉OK歌舞廳
• 中國歷史人物塑像館
• 東方電影世界實景拍攝現場（《上海灘》廣場、《黃飛鴻》街景）

點解間公園冇咗？

喺2004年9月7號晏晝5點，開咗19年嘅東方樂園就宣佈執咗笠。究竟點解會執咗笠，係因為廣州新穗旅遊中心有限公司嘅中外合作公司兩邊喺2004年9月6號簽咗有關協議，話兩邊唔好意思喇，結束合作經營。而喺2000年到2004年。隨住廣州市嘅經濟同埋城市建設嘅發展，搞到東方樂園嘅周邊都發生咗好大嘅變化，而旅遊業嘅熱點都變咗（尤其係白雲機場嘅搬走），搞到東方樂園要面對新嘅發展定位，所以兩邊經過充分嘅協商，喺經營情況重係正常嗰陣先至話唔撈啦。而廣州就計劃投資15億到18億蚊嚟喺呢度起咗白雲國際會議中心（喺2006年12月15號起好咗），其中包括會議中心嘅主體、會議展覽配套服務設施同埋兩棟嘅星級酒店嚟滿足將來廣東省嘅會議需求。而依家嘅地鐵2號線同埋重喺度起緊嘅14號線係經過呢度。