東橫INN（日語：東横イン）係一間日本商務旅館集團，創立於1986年1月。由於總部設喺東京同橫濱之間嘅蒲田，所以取名為「東橫」，同旗下有數個以「東橫」冠名嘅事業嘅東急集團無任何關係。
東橫INN而家有超過250間分店，直到2023年為止，喺日本國內淨係高知縣仲未開店；除咗日本國內，喺韓國、菲律賓、德國、法國、蒙古都有分店，亦曾經喺中國大陸同柬埔寨開業。根據日本《每日新聞》喺2006年2月2日嘅報導，東橫INN喺2005年3月嘅住房率達到83.1%，比起全日本都市旅館聯盟（全日本シティホテル連盟）調查嘅全國平均住房率67.4%要高出好多。
