松下幸之助

出自維基百科,自由嘅百科全書
跳去導覽 跳去搵嘢
松下幸之助
Konosuke Matsushita 01.jpg
出世1894年11月27號
大日本帝國和歌山縣海草郡和佐村(即依家和歌山市禰宜)
1989年4月27號
Flag of Japan.svg 日本大阪府守口市外島町松下記念醫院
出名原因松下電器創辦人
仔女松下幸子
親屬松下正治(入門女婿)
松下正幸(大孫)
松下弘幸(二孫)
簽名
Konosuke Matsushita Signature.svg

松下幸之助(日文:まつした こうのすけ,1894年11月27號1989年4月27號),係日本生意人兼發明家,松下電器、松下政經塾同埋PHP研究所嘅創立人。花名「經營神人」。

生平[編輯]

早年[編輯]

1894年11月27號,松下幸之助響和歌山縣海草郡和佐村千旦之木(即依家嘅和歌山市禰宜)出世,係當地一個小地主松下政楠嘅三仔,亦係最細嗰個仔,上有五個家姐同兩個大佬。因為響屋企面前有棵大松樹,所以就以此為姓,改個姓叫「松下」。

大概1899年,老豆經營米相場失敗,搞到破產,一家人因此搬去和歌山市本町一丁目。老豆響嗰度曾經開過下馱屋,但係佢唔太擅長做生意,所以又執咗笠。另一方面,幸之助因為屋企環境轉差,所以被迫輟學,到宮田火鉢店做咗契約勞工(佢仲做埋人哋徒弟)。

1910年嘅松下幸之助

後嚟佢師傅轉行做第五代單車。響呢段時間,松下留意到啲顧客過嚟幫襯嗰陣成日都要買食,因此佢諗到一個方法:如果佢入貨嗰陣係成批買而唔係單一一枝煙仔咁買,咁唔單止啲煙仔可以即刻到手,而且支煙嘅價錢比起一支支咁買平好多,可以從中賺個啲錢。呢個舉動令到其他學徒非常不滿,而店主亦唔支持,所以最後佢停止咗成批買。但係呢次事件令到佢留意到自己原來都有返啲生意頭腦,成為佢第日做生意人嘅契機。

佢一直對大阪市有軌電車印象深刻,所以佢就以從事電呢方面嘅工作做目標。佢十六歲加入大阪電燈(即依家嘅關西電力),並且響嗰度打工七年。期間佢留意到裝電燈係要直接攞電線駁入屋企,如果要換電燈就會好麻煩同埋危險,所以佢諗到響屋企裝插蘇英文Lightbulb socket,直接將電燈駁落插蘇到,咁就安全得多喇。1913年,佢入讀關西商工學校夜間部預科,一邊打工一邊讀書,1915年同井植梅野(婚後改叫松下梅野)結婚。兩年後決定辭職。

創立松下[編輯]

1918年嘅松下

1918年,松下響大阪府東成郡(即依家嘅大阪市東成區)聯同另外四人(其中一個係舅仔井植歳男,二戰後創立三洋電器)夾份製造同賣插蘇。一開頭銷量並唔好,所以其中兩個唔撈。後嚟松下由川北電氣(即依家嘅松下環境系統)得到大量風扇零件訂單,從此生意就越做越好。

因為業務越做越大,所以同年3月佢哋響大阪市北區西野田大開町(即依家大阪市福島區大開2丁目)創立松下電器嘅前身「松下電氣器具製作所」。由呢個時候開始,佢開始唔單止淨係賣電燈插蘇,仲賣埋自行車用電燈。1929年將公司改名叫「松下電器製作所」。

轉行[編輯]

復歸社長[編輯]

晚年[編輯]

人物[編輯]

屋企[編輯]

松下同其他人嘅合照,其中後面個排係松下幸之助、井植歲男、松下梅野

松下幸之助嘅細舅井植歲男(老婆梅野嘅二細佬)亦係一位生意人,當年曾經同松下一齊成立「松下電氣器具製作所」,響1947年接受公職追放之後由松下分家,成立三洋電器。而歲男兩個細佬井植祐郎井植薰,都跟住移籍到三洋。三兄弟先後出任三洋嘅會長同社長,但最後三洋都係合併落松下。而梅野嘅妹夫中尾哲二郎都曾經短暫脫離過松下,但係收尾都係返嚟。

幸之助同梅野得一個女幸子。所以,佢認咗舊華族、兼畫家平田榮二個二仔正治做婿養子。而正治嘅阿爺平田東助係舊米澤藩武士,仲分別響第一次第二次桂太郎內閣出任內務大臣。幸子同正治有兩個仔一個女,分別係正幸弘幸敦子

另外幸之助有幾個私生仔女,而呢幾個仔女響佢死後亦分到遺產