林偉強

出自維基百科,自由嘅百科全書
Jump to navigation Jump to search

林偉強SBSBBSJPDaniel LAM Wai-keung1949年2月27號—)係香港離島區議會主席,新界鄉議局副主席,前香港立法會議員。佢喺新界坪洲出世,係新界原居民

1985年,林偉強參選立法局「新界南(選舉團)」落選。1988年,林獲港英政府委任做太平紳士。1988年至1991年期間,林獲港英政府委任做立法局議員。1991年,林參選區域市政局選舉落選。1996年,林參選臨時立法會落選。1998年,林聯同其他鄉事派人物參選立法會新界西直選,但都落選。2004年劉皇發由立法會鄉議局功能組別,改循區議會功能組別出選,將鄉議局議席讓畀林偉強。鄉議局主席劉皇發嘅妹夫薛浩然亦曾經考慮與林角逐該議席,但其後俾劉勸退,以免造成鄉事派內訌。結果,林偉強自動當選立法會鄉議局議席。林偉強同劉皇發、張學明李國英都係有鄉事背景嘅立法會議員,合稱「立法會鄉事四子」。

同其他三名有鄉事背景嘅立法會議員唔同,林偉強一直都無政黨背景。自由黨主席田北俊曾邀請林偉強加入該黨,但鄉議局認為立法會鄉議局代表可能同政黨角色有矛盾,所以林偉強至今都無加入任何政黨。

2012年香港特別行政區行政長官選舉,佢係選舉委員會委員。

屋企[編輯]

林偉強已經結婚,有一個女林穎妍(Esther),有「離島之花」美譽[1],個女又有個仔[2]

[編輯]