林護堂 (香港)
林護堂（Hostel D）係香港嶺南大學6座學生宿舍之一，喺南學生宿舍，建築物同忠信堂、逸民堂（Hostel C）相連。
歷史同命名
[編輯]林護堂喺1997年2月22號落成同入伙，現任宿舍舍監係嶺南大學社會學同社會政策系教授陳章明博士。由於宿舍落成日期唔係喺學期初，宿生曾經喺掃管軍營暫住。
林護堂喺1997年5月26號冠名，捐款人係林護紀念基金有限公司，以紀念前廣州嶺南大學校董林護先生，共五代嘅林氏家族成員都喺嶺南嘅紅灰精神下接受教育，對廣州嶺南大學同香港嘅嶺南大學貢獻良多，特以「林護」為宿舍命名。
建築間格同特色
[編輯]林護堂樓高9層（包括底層），底層（LG）係洗衣房，地下係溫習室同娛樂室，1至3樓係男生宿舍，4至7樓係女生宿舍，8樓係舍監同高級導師住宅。除8樓同底層外，每層都設有一個茶水間同兩個洗手間，而每層亦有雪櫃、電視機同電話等畀宿生用。2013年暑假，林護堂進行翻新工程，包括擴大同翻新每層公用地方（Common Room）同翻新升降機。