桫欏樹

How to read a taxobox 桫欏樹
喺日本嗰邊種嘅野生桫欏
瀕危指標
易危 (VU)
物種分類
界 植物界 Plantae 門 蕨類植物門 Pteridophyta 綱 真蕨綱 Pteridopsida 目 桫欏目 Cyatheales 科 桫欏科 Cyatheaceae 屬 桫欏属 Cyathea 種 桫欏 C. spinulosa
二元學名
Cyathea spinulosa Wall. ex Hook., 1844

桫欏樹（粵拼：so1 lo4 syu6；學名：Cyathea spinulosa），又叫樹蕨（syu6 kyut3），係桫欏科桫欏屬嘅常綠喬木兼蕨類植物，原產地喺臺灣，而家喺中國嘅兩廣地區、香港、臺灣、海南同東南亞、南太平洋嘅群島、日本琉球群島，重有雲南同貴州、尼泊爾嘅暖而濕地區先至搵到。呢種植物既係世界上最高大嘅蕨類植物，又係一種古老嘅原始植物，甚至係一種熱帶植物。呢種植物喺中國內地列入咗國家一級保護植物。

形態

呢種植物一般有3~8m高，最高可以去到20m到。樹幹係圓形，有啲似椰子樹；樹幹冇分枝，但有疏刺或鋪嗮六邊形嘅斑紋。淨係得樹頂叢生咗好多大而長嘅羽狀複葉，好似個雷達噉放射出去，但佢既唔開花、又唔結果、甚至唔出籽（俗稱「三無植物」）。喺佢嘅葉後邊有好多孢囊堆，睇落去好似啲黃斑噉，其實入面重生咗好多孢。

繁殖後代

桫欏嘅後代係靠孢嚟生嘅。孢喺熟咗之後，跟住風一齊飄，好似啲飛榕噉，最後落到泥土嗰度發芽。先係生個心形嘅扁平原葉體，而呢筍嘢係綠色，可以光合作用。而且腹面好似鐵線蕨噉生根，甚至可以獨生。喺元葉體腹面前有頸卵器，後有精子器。喺鏡子成熟咗之後靠好多鞭毛喺水度游到頸卵器同卵細胞結合，搞出個合子，而合子重吸收原葉體嘅養料而發展成坯，最後生成樖樹。

用途

呢種植物嘅梗有好多澱粉，既可以食，又可以用嚟整器材，甚至可以做藥。

藥用價值

桫欏喺藥用方面，有驅風濕、強筋骨、清熱止咳嘅功效。

植物活化石

喺兩億年前嘅恐龍時代入面，桫欏樹喺全球各地都搵到。而且又高又大，甚至幾多下。但由於地殼變遷，好多同桫欏一齊嘅蕨類植物都死嗮，埋喺地底變成煤炭。凈係得返好少蕨類生物一直留到而家。

有關嘅書

• 中国少年儿童百科全书 自然·环境 第438页　浙江教育出版社 ISBN 7-5338-1946-2/G·1942

出面網頁

• 桫欏, Suoluo 藥用植物圖像數據庫 (香港浸會大學中醫藥學院) （繁體中文）（英文）
• 活化石植物”—桫 椤 華南植物園标本馆
• “活化石植物”—桫 椤 美国哈佛大学
• 台灣桫欏 認識植物
• 神奇的桫椤 贵州赤水桫椤国家级自然保护区
• 桫椤 中国植树网
• 桫椤 贵州百科信息网
• 桫椤 百拇医药